COMISADOS 1100 KILOS DE MARISCO EN CAMBADOS

Membros do Servizo Marítimo Provincial da Garda Civil de Pontevedra e Inspectores da Xunta de Galicia colaboraron nun operativo sobre marisqueo furtivo na ría de Arousa, no que localizaron nunha batea, situada no polígono de bateas D de Cambados, caixas con ameixa somerxidas baixo esta, amoreadas mediante unha estrutura metálica tipo gaiola utilizando a grúa da embarcación bateeira propiedade do mesmo presunto infractor, que se atopaba presente no lugar no momento da intervención, para o seu comiso. 
Membros da tripulación  do Servizo Marítimo de Pontevedra, e da Xunta de Galicia chegan a porto arredor das  11:30 horas, e realizan a descarga do marisco intervido para proceder a sua pesaxe, o marisco comisado é de 358 kgs de ameixa japónica e 752 kgs de ameixa carneiro.

O Servizo Marítimo Provincial de Garda Civil transporta os 752 kgs de ameixa carneiro ata lugar indicado por responsables da Confraría de Cambados, en concreto á zona do "Galiñeiro" para a súa resembra e na embarcación auxiliar da Xunta se trasladan os 358 kgs de ameixa  japónica a banco do "Sarrido", tamén para a resembra. Os inspectores pesqueiros levantan acta pola infracción pesqueira ao presunto infractor.