RAMÓN CARIDE PRESENTA A SUA ÚLTIMA NOVELA

Este venres dia 6 de marzo o escritor afincado en Cambados, Ramón Caride fará a presentación do seu novo libro Flash-Black 13, as 19 horas no Pazo de  Torrado, Cambados no que estará acompañado de David Cortizo da editorial Urco Editora.
Nado en Cea en 1957, pero desde hai moitos anos afincado en Cambados, licenciado en Bioloxía pola Universidade de Santiago de Compostela, traballa como profesor de ensino secundario. Animador de múltiples actividades culturais, foi o primeiro presidente da Asociación cultural A Santa Compaña de Cambados, onde reside; e un dos promotores da revista homónima. Ten sido columnista en xornais como El Mundo, Faro de Vigo ou O Correo Galego. Creou as de series xornalísticas: Blues da fronteira (La Voz de Galicia), O libro de area (Faro de Vigo), e colaborado en suplementos culturais (Galicia Literaria, Faro das Letras, La Ría del Ocio, Arousa-Un mar de cultura).