IMAXINA QUE SE AVECIÑAN OBRAS

Imaxinade que un concello da comarca  ordena ao Xefe da Policía Local  que visite zonas do concello susceptibles de ser melloradas ou non vialmente falando. Esto é ampliación de beirarrúas, arranxo e ampliación de accesos a negocios, negocios que están enfrontados moito co alcalde de esa localidade e coa Deputación.
Resulta que onte segundo un veciño dese pobo, o Xefe da Local desa vila estivo inspeccionando unhas beirarrúas e outros traballadores  do concello entregáronlle  un papel de un acceso a un negocio que tamén tiña que ver para emitir os informes correspondentes.

O caso é que este funcionario ten unha moi mala relación co seu alcalde, algo normal en funcionarios que gañan a plaza por méritos e oposicións que queren cumprir coa legalidade e non se deixan avasallar por elementos elixidos cada 4 anos que moitas veces non teñen nin idea nada máis que de saír nas fotos.
A sua labor é facer informes para ver si se poden ou non facer os arranxos necesarios e de que forma para facilitar o tránsito de peóns polas rúas e de vehículos en zonas complicadas. Por certo nese concello non paran de facer as obras que non se fixeron nestes 4 anos.

O paradóxico do caso é que tendo 4 anos para facer as cousas agarden aos derradeiros meses da lexislatura. 
Será para convencer aos donos dos negocios que o prometido durante catro anos, por fin será realidade?
Será para voltar a enganalos con informes e que despois das eleccións farán as cousas e unha vez collida a poltrona nada de nada?