Os gobernos do PP en Santiago e Madrid, máis os eurodiputados dese mesmo partido non fan o suficiente polo sector pesqueiro galego. Tivo que o BNG promover unha xuntanza de Mariñeiros afectados pola posible prohibición das redes á deriva para que en Europa coñecesen algo que descoñecían.
A Comisión Europea confirma que os contactos celebrados coa delegación de representantes do xeito organizada polo BNG o pasado mes de decembro foron determinantes para obter información sobre as consecuencias de incluír a esta arte de pesca artesanal na prohibición de redes de deriva e corrixir esta decisión.
“A Comisión reuiníuse ultimamente co sector galego do xeito que, segundo a información máis recente coa que conta, é un dos principais afectados pola posible prohibición das redes á deriva”, subliñan en resposta a pregunta formulada polo BNG a través do deputado da coalición Os Pobos Deciden, Josu Juaristi.
“Esa reunión brindou a oportunidade de avaliar os efectos que podería ter a prohibición nos operadores afectados, así como analizar a información adicional sobre a utilización das redes de deriva en Galiza”, continúa no texto da resposta, asegurando que a Comisión “ten intención de continuar eses contactos co fin de facilitar debates a nivel de Consello e de Parlamento Europeo”.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.