ENTREGADOS OS PREMIOS "XUVENTUDE CREA"

Santiago acolleu onte a entrega dos premios do certame Xuventude Crea, unha iniciativa da Consellería de Traballo e Benestar que recoñece cada ano a creatividade e o talento da mocidade galega.
O director xeral de Xuventude e Voluntariado, Ovidio Rodeiro, presidiu o acto no que un total de 43 mozos e mozas foron premiados en 11 especialidades diferentes: teatro, artes plásticas, relato breve, deseño de xoias, carteis, banda deseñada, videocreación, moda, graffiti, poesía e música. Na edición deste ano participaron no concurso máis de 350 mozos e mozas.
A destacar que a cambadesa Eva Soto Conde recibiu unha mención de honra pola colección ‘Diálogo con el arte’ no apartado de "Deseño de Xoias".