VARIOS DETIDOS EN OPERACIÓNS CONTRA O NARCOTRÁFICO

Dentro do marco das actuacións que a Garda Civil vén realizando para a erradicación do cultivo e venda de substancias estupefacientes, a Garda Civil interviu este mércores dun total de 15 plantas de marihuana e varios gromos en proceso de cultivo, que foron aprehendidas en distintas localidades da provincia segundo informaron fontes oficiais do Instituto Armado.

Así entre outras localidades, na nosa contorna, en Meaño, a Garda Civil do posto principal de Sanxenxo procedeu á imputación de R.R.D., de 29 anos, veciño de Sanxenxo, como suposto autor dun delito contra a saúde pública, ao que se lle incautaron nove plantas que estaba a cultivar nunha plantación anexa ao seu domicilio.

En Cambados, nun rexistro domiciliario levado a cabo por efectivos do posto principal de Cambados, a Garda Civil interviu varios gromos de plantas de cannabis, 87 gramos de cocaína disposta para a súa venda e tres básculas de precisión, procedendo á detención de M.S.I., de 33 anos, e de A.D.A., de 28 anos.