O CEMITERIO DE SANTA MARIÑA NECESITA OS TEUS VOTOS

A votación popular do concurso de cemiterios de España xa está aberta ao público en internet a través da páxina web da revista Adios.
O pasado mes de xuño un xurado de expertos seleccionara ás ruínas de Santa Mariña Dozo, en Cambados, como finalista na categoría monumento do "Primeiro Concurso de cemiterios de España 2014", entre os 41 cemiterios de 16 comunidades autónomas que se presentaron.
 
As votacións entre os internautas finalizarán o día 30 de setembro.
Santa Mariña de Cambados e Noia na Coruña, son os únicos cemiterios galegos seleccionados e compiten con camposantos de cidades moi importantes de toda España.
No momento de redactar esta nova Santa Mariña ía en 5ª posición e subindo na categoría de Mellor monumento, e Noia en 1º na categoría de Mellor cemiterio en conxunto.