TRANSCORRE SEN INCIDENCIAS A XORNADA ELECTORAL

As dez desta mañán comezaronn as votacións para renova-los órganos reitores das confrarías de pescadores en Galicia.
Son case trece mil os traballadores que están chamados ás urnas nas primeiras eleccións unificadas do sector.
A de hoxe é a primeira fase duns comicios que se desenvolverán en tres etapas. Este sábado serán escollidas as xuntas electorais e os patróns maiores de cada confraría. Despois celebraránse votacións nas tres federacións provinciais e finalmente escollerase ao presidente da Federación de Confrarías de Galicia.

 A conselleira do Mar, Rosa Quintana, apuntou que ata o de agora "non se ten detectada ningnha incidencia". "Tódalas mesas están constituídas, agardo esa normalidade o resto do día", engadiu.

Quintana lembrou tamén que esta é "a primeira vez en Galicia que sesenta e tres confrarías se presentan as eleccións o mesmo día".