Un ano máis a "ASOCIACIÓN POR DEREITO" convídanos a por globos azuis o 2 de abril nas fachadas dos nosos fogares,lugares de traballo, edificios públicos, escaparates...
Pouco custa económicamente falando, pero supón un paso importante para eles dar visibilidade a este gran descoñecido, o autismo.
É increible como ano tras ano este sinxelo xesto vai contaxiándose por toda a nosa xeografía, como aparecen globos azuis nos rincóns menos agardados, como maiores e pequechos colaboran neste evento. Fai catro anos había que explicarlle a todo o mundo por que e para que se poñían globos azuis, pero pouco a pouco esto está a mudar.
Son moitas as cousas que deben cambiar e agardan e loitan día a día para que suceda algo similar ao que está pasando coa campaña dos globos, agardan e desexan que algún día non teñan que explicar que é iso do ·"autismo", que cada persoa con autismo é único e diferente, que as características das persoas con autismo deben ser tidas en conta en tódolos aspectos da nosa sociedade: nas escolas, na vida en comunidade, no mundo laboral...que son persoas coma nós coas súas fortalezas e as súas debilidades, e que estas debilidades decrecen se damos os apoios necesarios,se empregamos cando o precisan sistemas alternativos de comunicación, se traballamos con eles e cos seus compañeiros habilidades sociais, se temos en conta a súa forma de percibir o mundo e facemos adpatacións onde son prescisas.
Os globos azuis son un pequeno paso, pero se non damos os pequenos pasos iniciais nunca chegaremos ao fin do camiño, e sin a axuda de todos vós eses pasos nunca se darán.
Grazas por apoialos, grazas por colaborar!!
Máis info aquí.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.