O CERCO TRASLADA A CORUÑA AS SUAS PROTESTAS

Despois de concentrarense onte en Vigo, esta mañá trasladaron as súas protestas á cidade herculina

Imaxen das protestas de onte

Tripulantes da flota do cerco dos portos de Galicia bloquearon a primeira hora desta mañá o acceso á Coruña pola ponte da Pasaxe.

Arredor de mil manifestantes, entre mariñeiros e patróns, pasearon polas beirarrúas para protestar polo repartimento das cotas de xarda e xurelo, controlados polas forzas da orde. A súa presenza provocou importantes retencións de tráfico nas entradas e saídas da cidade. 

Durante aproximadamente media hora, paráronse ante a Casa do Mar, onde se atopa a Delegación da Consellería do Mar. Alí, corearon lemas como "Queremos traballar, non roubar" ou "Non somos delincuentes, queremos traballar".

AMPLA PRESENZA POLICIAL

Unha veintena de policías antidisturbios atopábanse ante o edificio, xunto a medio centenar que están escoltando aos participantes na protesta na súa marcha polas rúas da Coruña. Detrás séguenlles máis dunha decena de coches policiais.

Durante a manifestación, están lanzando petardos e facendo soar as súas bocinas, aínda que sen que se produciron polo momento ningún incidente.