QUE VAI FACER O CONCELLO SOBRE A CONTAMINACIÓN NAS NOSAS RÍAS?

Os socialistas de Cambados queren saber a postura e as accións que vai tomar o Concello de Cambados sobre os recentes estudos da contaminación

 que saíron a luz sobre as nosas rias en xeral e sobre o mar cambadés en particular.

Segundo a SGHN, investigadores da Universidade de Vigo e do Instituto de Investigacións Mariñas do CSIC, atoparon nos sedimentos da nosa Ría as seguintes formas de contaminación severa:

1.- por cobre

2.- por arsénico, fronte a Cambados

3.- por chumbo

   Non existen estudos complementarios que clarifiquen con certeza a súa orixe, pero desde a SGHN manéxase como hipótese que pola situación ao carón dunha importante zona vitivinícola, dita contaminación por cobre e arsénico na zona de Cambados podería proceder dos tratamentos con funxicidas e outros plaguicidas nos viñedos.

 

Esta contaminación por cobre, arsénico e chumbo repercute directamente sobre as explotacións pesqueiras e marisqueiras, 

1.- Cal é a postura deste Concello ante esta situación?

2.- Vaise a instar á Xunta de Galicia para investigar a orixe da contaminación severa a moi severa por cobre arsénico e chumbo nos sedimentos da nosa ría?

3.-Vaise a instar á Xunta para que se adopten as medidas necesarias para reverter esta situación? De ser así, en qué plazos se acometerían as actuacións necesarias e con qué financiación se contaría?.