O PSOE CAMBADES INTERESARASE NO PLENO POLA PLAZA DE ABASTOS

Os socialistas de Cambados no vindeiro pleno van formular as seguintes cuestións ao grupo de governo.

Agardemos que as respostas sexan concretas e non sexan aprazadas para cando lle conveña ao sr Aragunde.

1.- O día 24 de Xaneiro, segundo información que nos chega, o Alcalde de Cambados acudíu ó Ministerio de Fomento para interesarse pola posta en marcha do proxecto de Remodelación da Praza de Abastos e Lonxa Vella de Cambados, e despois de reunirse coa Ministra e a Directora Xeral, éstas lle mostraron unha total implicación para conseguir que os traballos poidan comezar nos próximos meses. Incluso se plantexou públicamente que as obras se iniciaran este ano e se firmase previamente un convenio co resto das Administracións implicadas, Xunta de Galicia e Deputación de Pontevedra, e que estas obras serán executadas en tres anos, finalizando no 2017.

Son correctas estas afirmacións?

2.- Visto que nos Orzamentos Xerais do Estado para 2014 esta obra aparece sen consignación económica, vai iniciar o Ministerio igualmente as obras reseñadas tal e como anunciou o Alcalde?

3.-Imaxinamos que despois desa reunión, o Alcalde terá claro cales son as previsións orzamentarias do Ministerio para esta infraestructura, podería informar ó Pleno sobre ditas previsións?

4.-Ten previsto o Concello de Cambados firmar algún convenio coas demáis administracións públicas para que o desenrolo destas obras se leve a cabo, efectivamente nos próximos meses?

5.- Vaise realizar a Remodelación da Plaza de Abastos e a lonxa vella de Cambados ou é outra medida electoral de cara ás vindeiras elecccións como xa leva ocurrindo dúas lexislaturas consecutivas co archi anunciado Centro de Día e co arranxo do patio do Magariños?