A consellería de Sanidade adxudicou á empresa Cofely España o proxecto de ampliación do Hospital do Salnés, en Vilagarcía de Arousa, por un presuposto de10.909.284 euros. Segundo indican dende a consellería trátase do mellor proxecto técnico e a mellor oferta económica.
O contrato que se asinará na segunda quincena deste mes con esta empresa filial española do xigante enerxético GDF Suez considera tamén a revisión dos proxectos, dirección de obra, mantemento e subministro eléctrico dos centros de saúde de Marín, Arteixo, Galeras (Santiago), Malpica, A Capela, O Couto (Ourense), A Valenzá (Barbadás), Nigrán, Oia, Tui, Ares, Cambre, Pontedeva, Gondomar e Culleredo.
M.A. Villanueva cando presentou a sua dimisión |
Cofely España foi noticia nos últimos meses por fichar como conselleiro asesor da compañía enerxética a Miguel Ángel Villanueva, que fora vicealcalde de Madrid durante a traxedia do Madrid Arena na que faleceron cinco mozas. Villanueva presentara a súa renuncia como concelleiro o 9 de xaneiro cando a alcaldesa Ana Botella decidiu reestruturar o seu equipo e sacar á súa man dereita da área de Seguridade do Concello. Catro meses máis tarde recibía a oferta de Cofely España e fichaba por esta empresa.
M. Nieves Domínguez, Xerente do SERGAS |
Agora, esta adxudicataria conta cun máximo de seis meses para entregar os proxectos arquitectónicos de cada un dos 16 centros pertencentes a rede galega de Sanidade que se irán licitando a medida que se vaian entregando.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.