MOCIÓN DOS SOCIALISTAS CAMBADESES EN APOIO DOS MARIÑEIROS

Executiva do PSOE cambadés

MOCIÓN:

Os Armadores da Ría de Arousa atópanse nunha situación complicada por mor do cambio da actualización e adecuación das embarcacións en relación ás características q constan nas escrituras e follas de asento máis antigas.

O problema máis grave co que se atopan é o escaso prazo de tempo no que teñen que presentar a solicitude, xa que unha vez rematado éste, perderán a oportunidade de presentar a regularización, ademáis do gran desembolso dinerario ó que teñen que facer fronte para acadala.

Están en xogo moitos postos de traballo e o sostemento e economía de moitas familias, xa que estas pequeñas embarcacións son auténticas empresas que corren o perigo de desaparecer.

Desde o colectivo de mariñeiros e armadores da comarca da Arousa, solicítase un acordo unánime entre os grupos municipais para dar solución ó seu problema. Non queren buscar culpables, queren sinxelamente que se lles busque unha solución ó grave problema que teñen que resolver se queren seguir saíndo ó mar a traballar.

Por todo isto, no seu nome, este grupo municipal

SOLICITA

1.- A unidade no Pleno para acadar unha paralización do prazo de 4 meses imposto ós armadores para aportar GT´s e CV e por tanto a paralización do RD 1081/2012

2.- Unha regularización definitiva e real da frota pesqueira segundo as características que os armadores e propietarios declaren e que son un reflexo exacto das características actuais das embarcacións, e que esta regularización sexa recollida nunha Lei que se realice en conxunto co sector pesqueiro.

3.- Dar traslado deste acordo á Xunta de Galicia, ó Goberno de España, e ós grupos políticos do Congreso e do Senado.