POLA SANIDADE PÚBLICA MOBILÍZATE!!!!!!!!!!!!!!!!

A Plataforma SOS-Sanidade Pública, de defensa e mellora da Sanidade Pública, convopca para hoxe unha xornada de loita que se levará a cabo nas distintas comarcas e áreas por medio das Plataformas locais.

O eixo desta xornada mobilizadora é o inmediato debate en sede parlamentaria do Proxecto de Lei de Garantías, unha lei que, de aprobarse, traerá consecuencias moi negativas para o noso sistema público de saúde, afondando no camiño privatizador que leva este goberno.
Esta nova afrenta, sumada ás xa moitas que leva denunciando SOS SANIDADE PÚBLICA  (re-pagos de medicamentos, re-pagos de ortopróteses, re-pagos de transporte sanitario, privatizacións de servizos, construción de hospitais co modelo PFI, suspensión dos proxectos de centros de saúde, suspensión do Plan Mellora...), fai que sexa máis importante que nunca a defensa deste servizo básico que se nos está roubando pouco a pouco, para facer del un negocio do que se lucren unhas poucas empresas a costa da nosa saúde e dos nosos cartos.

Desde SOS-Sanidade Pública queren convidar a toda a cidadanía, persoal da sanidade, usuarios/as, xente moza e xente de idade, homes e mulleres, a que se unan á loita por unha Sanidade PÚBLICA, de calidade, que se preste en condicións de universalidade, equidade e gratuidade, sen que cheguemos a unha sanidade para ricos e outra de beneficiencia para quen non poida pagar.

A saúde é un dereito, non un negocio!

Xornada de loita
A Sanidade Pública no Salnés é o teu dereito!
Contra os recortes e a privatización da sanidade pública, e pola amplicación do hospital do salnés xa!
MOBILIZATE!
xoves 27 de xuño ás 21:00 h.
Praza de Galicia, Vilagarcía de Arousa
Convoca: Plataforma en Defensa da Sanidade Pública do Salnés.