Ata Bruxelas trasladouse unha representación da frota cefalopodeira formada por mariñeiros en paro das armadoras Pesqueira Derime, Loirapech e Pesqueira Manuel Nores, acompañados do seu representante sindical de CIG-Mar, Xabien Aboi.
Durante a súa intervención na Comisión de Pesca da Eurocámara a europarlamentaria nacionalista, Ana Miranda rexeitou ao acordo europeo de pesca con Mauritania, porque "supón a paralización da flota cefalopodeira galega" e un importante varapalo ao emprego no sector, con "400 tripulantes no paro desde o pasado mes de xullo de 2012".
Miranda cualificou de "inasumible" o pacto, dado que "os cefalopodeiros galegos non reciben nada" mentres "con fondos públicos europeos págase unha partida de 140 millóns de euros" para Mauritania.
Igualmente, o eurodiputado socialista Antolín Sánchez Presedo reiterou tamén o rexeitamento da súa formación a este acordo indicando que "non reúne as condicións mínimas para un actividade pesqueira viable".
Os grupos solicitaron unha reunión urxente da Comisión Mixta que se recolle no protocolo Mauritania-UE para que comece a "renegociación inmediata do acordo" co obxectivo de "incluír a incorporación da flota galega".
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.