PROTESTAS NA VISITA DE RAJOY A PONTEVEDRA

Unha veintena de sindicalistas de CC.OO. e CIG desprazáronse este venres ata a contorna do sexto edificio do Museo Provincial de Pontevedra, a cuxa inauguración asiches o presidente do Goberno, Mariano Rajoy, para protestar contra os recortes e a súa política económica. Ao lugar acudiu tamén unha afectada polas participacións preferentes.

Precisamente, a primeira en chegar ata a o Museo foi unha xubilada de Marín (Pontevedra) que, segundo explicou aos xornalistas que esperaban ás portas do edificio, escoitou "pola radio" que Rajoy estaba neste acto e decidiu acudir para demandar unha solución posto que, indicou, o diñeiro do seu defunto fillo está "atrapado no banco" en forma de participacións preferentes.

Trala entrada de Mariano Rajoy no recinto, no que se presentou puntual e onde foi recibido polo presidente da Xunta, Alberto Núñez Feijóo; o delegado do Goberno, Samuel Juárez; e o presidente da diputación de Pontevedra, Rafael Louzán; entre outras autoridades, chegou unha decena de sindicalistas da CIG.

Rajoy nunha visita  as obras do Museo

Os sindicalistas, que pretendían esperar ao presidente na rúa pola que estaba previsto que abandonase o edificio, foron desviados por axentes da Policía Nacional ata unha rúa próxima, desde onde protestaron contra as políticas do PP, co que, proclamaron, "os pobres son máis pobres e os ricos, máis ricos".

Posteriormente incorporouse outra decena de sindicalistas, esta vez de CC.OO., que se sumaron á protesta coreando lemas como "A reforma laboral para Rajoy e Cospedal".