NÚÑEZ FEIJÓO SABE RECORTAR PERO NON ONDE DEBE

O señor Núñez Feijóo si sabe recortar, pero recortar gastos no seu partido, máis cando se trata de gastos sufragados polos cidadáns sempre se dirixe contra eles e non no seu favor.

Así se desprende da decisión do presidente do PPdeG, Alberto Núñez Feijóo, de reducir "á metade" o número de membros do Comité de Dirección da formación para "gañar en operatividade" e integrarano a partir de agora 20 persoas fronte aos "entre 35 e 38" dirixentes que o compoñían anteriormente. A vez que gaña en operatividade aforra en gastos. Eso sí, de asesores e axudantes pagados polos galegos nada de recortes.


O anuncio foi feito pola nova voceira do PPdeG, Paula Prado, quen detallou que integrarán o órgano, ademais de ela mesma, o propio Feijóo; o vicepresidente do partido, José Manuel Barreiro; o secretario xeral, Alfonso Rueda; o vicesecretario xeral, Agustín Hernández; o voceiro parlamentario, Pedro Puy; así como os presidentes provinciais, os voceiros ou alcaldes das sete urbes galegas, os presidentes de deputación, a presidenta do Parlamento e o presidente de Novas Xeracións (NN.XX.), Javier Dorado.

No que respecta aos coordinadores de área, só "serán convocados" cando teñan que informar "dalgún asunto concreto", coa excepción dos responsables de Organización, Alejandro Gómez Alonso, e de Comunicación, Mar Sánchez, as responsabilidades da cal son "máis transversais" e estarán presentes en todas as reunións do Comité de Dirección.

Segundo defendeu Prado, no último conclave autonómico, o PPdeG decidiu "reducir a súa estrutura executiva" para "gañar en axilidade, en operatividade e para mellorar a súa coordinación interna" entre o labor executivo dos populares a través da Xunta, a lexislativa a través do Grupo Parlamentario e o labor político a través do partido.

Neste "interese" por "seguir mellorando" a acción coordinada enmarcou tamén a decisión de contar con catro persoas que terán responsabilidades transversais neses tres escenarios da política galega, en alusión a Feijóo, Rueda, Hernández e o conselleiro de Cultura e Educación, Jesús Vázquez, posto que todos eles están na Xunta, son deputados e pertencen ao Comité Executivo popular.

Pois nada o PP aprétase o cinto e aprétallo a os galegos para que despois falemos de que a austeridade non vai cos nosos governantes. Tan so falla para a “perfección” que erradique dunha vez por todas os enchufes e o persoal asesor posto a dedo. Pero, “todo se andará”.