NESTAS DATAS VOLVEN OS FURTIVOS E AS VIEIRAS ILEGAIS

A Garda Civil comisou 480 quilos de vieiras ilegais nun control realizado no municipio pontevedrés de Caldas de Reis, segundo confirmaron fontes do instituto armado. Esta redada tamén permitiu aos axentes imputar a un veciño do municipio coruñés de Ribeira por un delito de comercialización ilegal de marisco.

O control levou a cabo no punto quilométrico 110 da autoestrada AP-9, en sentido A Coruña. Os axentes procederon á identificación do condutor e único ocupante dun Nissan Patrol, e comprobaron que no interior do vehículo transportaba 480 quilogramos de vieiras en 15 sacos de malla. O sospeitoso non foi capaz de xustificar a procedencia dos moluscos, nin de demostrar que pasaran o correspondente control sanitario.

Desprazada ao lugar a patrulla do Seprona de Vilagarcía, procedeu á imncautación do turismo e da mercancía. O marisco comisado, parte do cal será analizado para determinar se contiña toxinas, foi devolto ao mar por axentes do servizo de Gardacostas de Galicia.

As dilixencias deste caso foron entregadas no xulgado de instrución número dous de Caldas de Reis, onde terá que presentarse o imputado, que conta con antecedentes da mesma índole, cando para iso sexa requirido pola autoridade xudicial.