BENITO GONZÁLEZ PELEA CONTRA AGAMAR

A Asociación Galega de Mariscadores (Agamar) podería cometer tres delitos de fraude por un importe superior a un millón de euros, afirmou onte o presidente da Federación Galega de Confrarías e patrón maior do depósito de Cambados, Benito González, nunha rolda de prensa celebrada en Vilagarcía.

Acompañado polos patróns das confrarías de Cabo de Cruz, Vilanova, Ribeira, Rianxo, Carreira- Aguiño e A Illa, González expuxo que se cansou de ser a diana das acusacións de Agamar, e recordou que ningunha prosperou en instancias xudiciais.