OS PROFESIONAIS DA XUSTIZA TAMÉN EN PE DE GUERRA

Centos de profesionais sector xudicial --entre avogados, xuíces, fiscais, procuradores e funcionarios-- protestaron este venres, convocados polo Consello da Avogacía Galega, contra a "discriminatoria" suba das taxas xudiciais, que irán dende os 150 ata os 1.200 euros, ante a que mostraron a súa oposición "total e absoluta".

Compostela, onte.

Segundo o exposto polos sete Colexios de Avogados de Galicia, que coordinaron a protesta, ante sedes xudiciais de toda a Comunidade, esta o proxecto de Lei de Taxas Xudiciais suporá que "vai haber unha Xustiza para ricos e unha para pobres", como censurou o decano do Colexio de Compostela, Evaristo Nogueira, pois "vulnera absolutamente a tutela xudicial efectiva".

Por iso, Nogueira pediu ao ministro de Xustiza, Alberto Ruiz Gallardón, que "reflexione" antes do mércores, na que levará esta medida ao Senado, porque "é un dos maiores atentados á Xustiza" dende a instauración da democracia".

De feito, o decano do Colexio de Avogados de Ourense, Arturo González, alertou de que "en torno a un 30 ou 40 por cento de asuntos" xa "non chegarán ao xulgado".

A xeito de exemplo, se un traballador, a partir de agora, quere recorrer unha sentenza no ámbito laboral vai ter que aboar unha taxa de 800 euros poder acudir en recurso de suplicación ao TSXG.