DON JUAN BOSCO EN CAMBADOS

A urna coa imaxe do santo, en cuxo interior se atopa unha das súas mans, chegou ao municipio con media hora de atraso e foi recibida con aplausos.

Ninguén faltou á recepción. Estivo o alcalde, Luis Aragunde, o inspector provincial salesiano, José Rodríguez Pacheco, e o arcebispo de Santiago, Julián Barrio. Tamén os veciños, que inmortalizaron o momento cos seus cámaras de fotos e os seus teléfonos móbiles.

Os discursos oficiais serviron para destacar o labor desempeñado pola comunidade salesiana na localidade. «Nunca poderemos agradecervos todo o traballo que facedes», resumiu Aragunde. E ao terminar, os fieis reuníronse para bicar, tocar e rezar á urna. A reliquia partiu en procesión cara á igrexa parroquial acompañada de autoridades e veciños.

 

O cura párroco de Cambados, José Aldao, dixo no seu discurso «Para min é unha alegría inmensa poder acoller esta reliquia», verbas que serven para resumir o sentir dos máis de cen cambadeses que onte se congregaron na praza de Fefiñáns para recibir a reliquia de San Xoán Bosco.