FERIDO MENTRAS LIMPABA A SUA ARMA

O policía local de Vilagarcia, Benito Romero de 45 anos, e natural de Cambados permanece ingresado na UCI do Complexo Hospitalario de Pontevedra ao dispararse a pistola que estaba a limpar, informaron fontes policiais.

O suceso rexistrouse ao redor das cinco da madrugada pasada cando se atopaba na oficina cubrindo o servizo de noite.

Segundo fontes do concello o axente decidiu limpar a súa arma cando esta se disparou causando na vítima feridas graves.

Un compañeiro, que se achaba noutra dependencia contigua, alertou a Emerxencias do 061 da Xunta que trasladou á vítima en ambulancia ao hospital comarcal do Salnés, onde o ferido foi estabilizado e pouco mais tarde foi derivado ao complexo hospitalario de Pontevedra.

Tras ser intervido Nito Romero atópase na UCI.

A bala afectoulle un ril, pulmón e bazo, atópase estable aínda que dentro da gravidade, pero non se teme pola súa vida.

Un exceso de confianza na rutina da limpeza da arma parece que foi a causa do accidente, segundo declarou un compañeiro.

"Nito" Romero é un dos policías mais activos do municipio, imparte clases de seguridade viaria, é membro da Fundación Galega contra ou Narcotráfico e foi o que deseñou o "plan Serviola" para que os mozos que participan na movida nocturna eviten o alcol se teñen que conducir. 

Dende aquí desexámoslle unha pronta e satisfatoria recuperación. Xente coma Nito e a que fai falla.