15 LITROS DE VIÑO PARA "ESPERANZA SALNES"

 O xerente de Esperanza-Salnés, Augusto Chaves, e o propietario da vinoteca Ribeira de Fefiñáns, José Luis Aragunde, compareceron onte xuntos cun nobre obxectivo: o de recadar fondos para a entidade de axuda a nenos con discapacidade.

 Sabido é que Cambados vólcase habitualmente con Esperanza-Salnés e que as iniciativas para recadar fondos son moitas, pero non todas tan orixinais como a que se presentou onte: o sorteo dunha enorme botella con quince litros de capacidade de Ramón Bilbao Reserva.

 Os interesados poden adquirir algunha das mil rifas que se venden ao prezo dun euro. O gañador será o posuidor daquela cuxo número coincida coas tres últimas cifras do sorteo da ONCE do 17 de xuño.