A ocupación hostaleira durante a campaña de Semana Santa na provincia
de Pontevedra caeu un 11,72 % con respecto a 2011, dun 66,71 % de
ocupación media pasouse a un 54,99 %, segundo os datos do Observatorio
Turístico Rías Baixas.
Estes datos melloran nos días fortes da campaña, do Xoves Santo ao
Domingo de Pascua, xa que a porcentaxe elévase ata o 64,14 %, con casos
destacados como os da comarca de Deza-Tabeirós (78,30 %) e Sanxenxo-O
Grove (70 %).
As mellores cifras obtivéronas os hoteis de catro estrelas do centro
urbano de Sanxenxo, cun 91 % de ocupación, segundo datos do Centro de
Empresarios Turísticos.
O Observatorio Turístico Rías Baixas destaca o repunte do turismo
rural (do 38 % de ocupación de 2011 pasouse a un 54,55 %), que atribúe
aos prezos máis alcanzables que os hoteis convencionais.
O perfil do visitante tipo á provincia pontevedresa é de entre 35 e
50 anos de idade que viaxa en parella ou en familia, trasládase en
vehículo propio, procedente de Madrid, Asturias e País Vasco,
fundamentalmente, cuxa elección se basea no goce da cultura e a
gastronomía da zona.
A estancia media do turista que visita a provincia de Pontevedra é de 2 días e o gasto medio é inferior aos 50 euros.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.