XIMNASIA RÍTMICA A PROL DO REFUGIO DE CAMBADOS

Hoxe 26 de decembro os nenos da clase de Ximnasia Rítmica, Grand Jete van organizar unha demostración, onde a entrada custará 1€ anticipada e en despacho de billetes o mesmo día 2€ .Todo o recadado irá destinado ao Refuxio de Animais de Cambados. Un xesto que honra aos máis novos do pobo e aos seus profesores. Vén unha xeración que quere axudar aos máis débiles. Ti tamén te animas a AXUDAR?  Lembrade no Pavillón Alejandro García Fariña (instituto Ramón Cabanillas) o día 26 de decembro ás 18:00 horas. 

AXÚDANOS A AXUDAR. GRAZAS

OS DANZANTES DE COBAS RECOLLEN HOXE UN PREMIO MÁIS QUE MERECIDO

 PREMIOS PROVINCIAIS Á CULTURA 2015 

Con eles preténdese recompensar e estimular os autores dos traballos de investigación no ámbito das Ciencias e a Tecnoloxía, das Humanidades e das Ciencias Sociais

 Reuniuse o xurado dos Premios Provinciais á Cultura 2015 na sala de xuntas do Pazo Provincial da Deputación. O dito xurado está composto pola presidenta Ana Isabel Vázquez Reboredo, deputada e presidenta da Comisión de Cultura; os vogais José María Bello Maneiro, deputado e presidente da Comisión de Desenvolvemento Industrial, Urbanismo e Vivenda, Enrique Velasco Viéitez, en representación da Escola de Canteiros, Carlos García Suárez Otero, en representación da Fundación Laxeiro, Xosé Carlos Valle Pérez, en representación da Fundación Valle Inclán, Juan Laguarta Badía, profesor de música, José Enrique Perez‐Arda Criado, xefe do Servizo de Arquitectura e Urbanismo, Mª Carmen Baloira Duro, en representación do Servizo de Cultura e o secretario Antonio Santos Guerra, xefe do Servizo de Cultura.   O obxecto desta reunión era emitir o fallo para adxudicar os catro premios, por un importe de seis mil (6.000,00) euros cada un, previsto na base terceira da convocatoria. Despois dun detallado estudo e deliberación dos expedientes presentados e das propostas do xurado, este acorda por unanimidade conceder os seguintes premios:  
1.‐ Premio ó proxecto cultural máis innovador //vangardista 6.000,00 €
O halcón milenario Pola creación dun espazo cultural alternativo e que naceu da inquedanza dun grupo de amigos artistas (pintores, deseñadores, tatuadores, etc.) por mostrar manifestacións culturais non oficiais, pertencentes á cultura urbana underground. 
2.‐ Premio á traxectoria cultural 6.000,00 € (Premio ex aequo) 
Manuel Aramburu Pola súa traxectoria como pintor. É un dos grandes mestres da pintura actual de Galicia, pertencente á chamada "generación de vanguardias y silencios", formada por un grupo de artistas que desenvolveron a súa actividade creativa a partir da postguerra española 

Manuel Aramburu

Ateneo Santa Cecilia – Club Unesco Pola súa labor a prol da cultura desde a súa fundación no ano 1952: promoción da música, belas artes, recuperación do patrimonio así como a    recuperación da cultura tradicional.   
3.‐ Premio “César Dios Diosiño” 6.000,00 € (Premio ex aequo) 
Rogelio Groba Pola súa labor como músico e compositor. Conta con mais de 500 obras catalogadas para: banda sinfónica, de cámara, coral, piano, etc. Autor de varios ensaios e libros e que desde 1992 se dedica exclusivamente á creación musical, ca cal recibiu distincións recoñecidas como: Premio da galega, premio Xunta de Galicia da Cultura, Medalla Castelao, etc. 
Asoc. Cultural Danza de Arcos Pola conservación dunha danza ancestral que algúns autores sitúan no século XV ou XVI e é bailada por homes. É única e responde a unha tradición propia de Cobas (Meaño) 
4.‐ Premio á protección ou recuperación do patrimonio público 6.000,00 € (Premio ex aequo) 

Concello de Valga Pola recuperación do patrimonio público de Valga nos distintos ámbitos: Histórico‐cultural.‐  Museo da historia de Valga, o camiño portugués, Rota marítimo fluvial, vía romana XIX, … Etnográfico.‐  Festa da anguía e mostra da caña do país, belén artesanal en movemento, … Natural.‐  Ecomuseo, Fervenzas de Parafita, Monte Beiro, Praia fluvial de Vilarello,… 
  
Concello de Vila de Cruces Pola recuperación do conxunto do poboado e museo mineiro de Fontao que se atopa ó sur do término municipal de Vila de Cruces, no que residían os mineiros que explotaban a mina próxima de volframio.

A partires das 20:00h no Pazo Provincial

• 
  

1ª XORNADA DE ZOUK EN CAMBADOS

1ª Xornada de Zouk en Cambados
Domingo, 26 de Abril de 2015 a partir das 17:00h. en Discoteca Zao (Cambados). 

1ª Xornada de Zouk en Cambados é un evento organizado por Fran Vidal.
Xornadas de zouk en Cambados cos seguintes profesores:


Silvia Paz
Luciano Gómes
Fran Vidal
Meji

O zouk orixinal é un estilo de música rítmica rápida de carnaval orixinado na Antillas francesas, especialmente nas illas de Guadalupe e Martinica. Ten as súas raíces na kompa haitiana. Zouk demasiado rápido perdeu a súa popularidade nos anos 1980. Actualmente zouk é o equivalente do konpa direk na Antillas Francesas.
Dánzase en parellas exactamente como o konpa direk pegados apertados, o home toma a muller polas costas e a muller enlaza un brazo na zona do ombro xunto ao pescozo.

Máis informacion en 680 199 733

SEMANA DA DANZA EN CAMBADOS

Fin de Semana de Danza Contemporánea “Cam-Danza”

Compañía “Derribas la puerta”

Ciclo de Danza e Teatro Contemporáneo dirixido por Matías Daporta e Esther Arribas.

20 de Novembro (xoves)21.00 h. No Pazo de Ulloa “Sur ou South”. 5€ (entrada e copa de albariño). Aforamento limitado.

21 de Novembro (venres)21.00 h. No Salón J. Peña “Funerais, benvidos”.Entrada normal 3,5€ e 2,5€ reducida.

22 de Novembro (sábado)20.00 h. No Auditorio Municipal A Xuventude. Pezateatral documental. Entrada normal 3,5€ e 2,5€ reducida.