O TURISMO SUSTENTABLE A DEBATE NO CONGRESO GALEGO DE MEDIO AMBIENTE

O turismo sustentable e os parques nacionais ou as potencialidades da comarca do Salnés como destino turístico serán algúns dos temas dos relatorios que se celebrarán este xoves no Congreso Galego de Medio Ambiente & Saúde & Turismo Sustentable. O evento comezou onte martes no Parador de Cambados e trasladarase a Sanxenxo, concretamente ao Obradoiro de Emprego Hostalería do Salnés. O programa do evento inclúe unha ruta de turismo verde baixo o título “Árbores monumentais e senlleiras”, que correrá a cargo do catedrático de Ciencias Naturais, Carlos Rodríguez, e unha serie de relatorios. Unha delas abordará as posibilidades do termalismo e impartiraa o médico experto Enrique Pedras. Outra estará enfocada ao enoturismo, e a encargada de expoñela será a responsable de comunicación da adega Condes de Albarei, Eugenia Castro. O mar e as Illas Cíes Máis de 40 expertos de recoñecido prestixio a nivel nacional e internacional asisten a este evento que comezou este mércores e no que se abordou o cambio climático, a utilización das enerxías renovables e a reciclaxe como medio para transformar os residuos. Xa pola tarde o programa virará en torno ao mundo do mar. Falarase da economía circular e a innovación na economía mariña, a contaminación na ría de Arousa e a acuicultura na comunidade galega, entre outros asuntos. O colofón final será este xoves ás oito da tarde coa mensaxe do que foi director xeneral da UNESCO entre os anos 1987 e 1999. Federico Mayor Zaragoza poñerá o broche de ouro durante unha videoconferencia na que trasladará o seu apoio á candidatura “Cíes- Illas Atlánticas a patrimonio mundial dá humanidade”, un recoñecemento que outorga a ONU para a Educación, Ciencia e Cultura dos lugares cun valor universal excepcional.

VIII CONGRESO GALEGO DE MEDIO AMBIENTE & SAÚDE & TURISMO SOSTIBLE NO SALNÉS – LXI CURSO DE SAÚDE AMBIENTAL

Cambados e Sanxenxo acollerán do 26 ao 28 de marzo de 2019 a celebración do VIII CONGRESO GALEGO DE MEDIO AMBIENTE E SAÚDE E TURISMO SOSTIBLE NO SALNÉS- LXI CURSO DE SAÚDE AMBIENTAL (Cambados os días 26 e 27, e Sanxenxo o 28 de marzo).

A temática do Congreso centrarase en catro grandes bloques de gran interese e actualidade: o Cambio Climático, a Economía Circular, a Problemática ambiental e social da Ría de Arousa e o Patrimonio natural e turismo sostible.

Contarase tamén con visitas prácticas, é dicir, con rutas e interese pola comarca do Salnés, como a Ruta do Viño Rías Baixas (Martín Códax, Paco & Lola e Condes de Albarei) ou a Ruta de Turismo Verde “Árbores Monumentais e Singulares”, contando tamén cunha viaxe en catamarán pola Ría de Arousa. Desta forma, porase en valor as potencialidades e fortalezas da comarca do Salnés, unha das zonas máis emblemáticas e de maior beleza de Galicia.

Os obxectivos do Congreso son impulsar un modelo enerxético máis sostible para avanzar na loita contra o cambio climático; fomentar o modelo de economía circular que garante o futuro do medio ambiente; promover a xestión sostible dos recursos mariños; impulsar a loita contra as pragas da vespa velutina e o picudo vermello; promover o Salnés como destino de excelencia turística e a súa proxeción internacional; e por úlitmo, apoiar a candidatura de “Cíes-Illas Atlánticas” a patrimonio mundial da Humanidade.

O Congreso está dirixido a técnicos e funcionarios das administración públicas que traballan nos sectores de medio ambiente, turismo e saúde; profesorado universitario, ensinanza secundaria e formación profesional; xestores e técnicos de empresas; axentes que realizan tarefas de vixilancia e protección da natureza; así como colectivos diversos que traballan na defensa do medio ambiente.

O congreso contará coa participación dun centenar de ambientalistas e de 40 expertos de recoñecido prestixio nos seus respectivos campos de actuación procedentes de América, Portugal, España e especialmente de Galicia. Haberá unha representación do mundo académico, universitario e profesional, das administracións públicas a nivel estatal, autonómico, provincial e local, do mundo empresarial, así como outros colectivos sociais.

Abrirase o congreso cunha conferencia maxistral a cargo do Prof. Dr. Eleuterio Martínez, científico-humanista, académico e catedrático de recoñecido prestixio en América, que presentará as medidas de mitigación e adaptación para loitar contra o cambio climático, e como broche de ouro do congreso, cabe destacar a contribución maxistral do Prof. Dr. Federico Mayor Zaragoza, figura relevante de recoñecido prestixio a nivel mundial, cuxa dilatada e fructífera andadura como director xeral da UNESCO deixou profunda pegada, que se sumará a apoiar a candidatura das Cíes-Illas Atlánticas a Patrimonio Mundial da Humanidade.

En sintonía coa vocación de servizo público desta iniciativa, convócanse 100 prazas gratuítas, as cales serán cubertas por rigurosa orde de inscrición. Os e as interesantes en participar activamente no Congreso deben formalizar a súa inscrición canto antes, enviando o boletín de inscrición cuberto con todos os seus datos ainfo@medioambienteysalud.com  para garantir a súa praza.

Para máis información poden consultar a páxina web www.medioambienteysalud.com ou poñerse en contacto co Presidente do Comité Organizador e director académico e científico do Congreso no e-mail: profdrfp@icloud.com ou no número de teléfono 609 81 74 03.

Boletín de inscrición.pdf 219K Ver en formato HTML Descargar

Programa provisional 11-02-2019.pdf 906K Ver en formato HTML Descargar

CAMBADOS VAI ACOLLER UN CONGRESO MEDICO SOBRE O CANCER DIXESTIVO

- Participaran máis de un centenar de especialistas de todo o estado no que debateran sobre novos tratamentos de tumores dixestivos. - A finalidade é potenciar e mellorar o tratamento e a investigación da enfermidade a través destes congresos, a vez que se potencia e desestacionaliza a demanda turística na vila do albariño.


Máis dun centenar de especialistas implicados no tratamento dos tumores dixestivos de toda Galicia participarán en VI Reunión Anual de GITuD que terá lugar no Salón de Reunións e Congresos José Peña de Cambados o 5 e 6 de outubro, contando coa colaboración da Concellería de Servizos Sociais, Terceira Idade e Sanidade qu dirixe o edil de Somos Cambados, Tino Cordal. No Congreso debaterán este ano nunha mesa redonda sobre o tratamento do Cancro de Páncreas localmente avanzado, que é o terceiro tumor en mortalidade en Galicia e cuxa incidencia está incrementándose nos últimos anos. 
No congreso anual americano de Oncoloxía Clínica (ASCO) presentáronse datos sobre un tratamento que duplicaba o beneficio trala ciruxía, tema que tamén se abarcará en devandita mesa e na que están presentes profesionais da talla da Dra. M. Salgado (Onocoloxía Médica do CHOU), o Dr. Fabio Ausania. Coordinador da unidade de Ciruxía Biliopancreática, Servizo de Ciruxía Xeral e Dixestiva (CHUVI), Dr. Xullo Igrexas García. Xefe de Sección do área de Endoscopias, Servizo de Aparello Dixestivo (CHUS) entre outros. Neste congreso medico que se vai celebrar por primeira vez en Cambados vai contar con especialistas de todo estado, xa que tamén se trataran outras novidades como a irrupción dos tratamentos biosimilares, que contará coa Dr. Olga Delgado como poñente, Xefe do Servizo do Hospital Son Espases de Palma de Mallorca, que abaratarán o custo actual dos tratamentos sen prexuízo na efectividade, ou a irrupción da inmunoterapia nos tumores dixestivos. 
 A conferencia maxistral versará sobre Neoadyuvancia en metástases hepáticas de carcinoma colorrectal na que o Dr. Gabriel N. Zozaya Larequi. do Servizo de Ciruxía Xeral (Clínica Universitaria de Navarra) expoñerá unha nova técnica quirúrxica para a eliminación das metástases residuais que permiten que polo menos 30 % dos pacientes con estadio avanzado de Cancro Colorrectal e enfermidade hepática exclusiva poidan estar vivos aos 5 anos. 

O grupo Galego de Investigación de Tumores Dixestivos

Na reunión tamén terá lugar a entrega do Premio á mellor presentación por parte dos Médicos internos residentes das distintas especialidades, así como a exposición de diferentes casos clínicos ou series de casos polos mesmos. O grupo Galego de Investigación de Tumores Dixestivos constituído inicialmente por todos os Oncólogos dixestivos dos hospitais galegos, e ao que posteriormente foronse unindo outras disciplinas (radiólogos, ciruxans, dixestólogos, radioterapeutas, radiólogos intervencionistas) está implicado en proxectos de investigación comúns, así como, de formación e protocolos que permitan a homoxeneización da práctica clínica diaria entre os distintos centros. 
Para o edil de Somos Cambados responsable das áreas de Servizos Sociais, Terceira Idade e Sanidade no Concello de Cambados, Tino Cordal, que leva traballando meses na organización deste evento, valora moi positivamente que este tipo de congresos médicos se celebren en Cambados, xa que teñen unha gran importancia para o desenrolo de novos tratamentos, terapias e proxectos de investigación nunha enfermidade cun alto índice de mortalidade como son os cancros dixestivos, a vez que se potencia o turismo e ponse en valor a vila do albariño fora da época de maior afluencia de visitantes, e fomentando desta materia a desestacionalización do turismo en Cambados, algo que xa levaba Somos Cambados no seu programa electoral coa celebración deste tipo de eventos e congresos para potenciar o turismo.

ÉXITO DO I CONGRESO DE NORMALIZACIÓN LINGÜÍSTICA CONCELLO DE CAMBADOS

O secretario xeral de Política Lingüística, Valentín García Gómez, clausurou este serán o 'I Congreso de Normalización Lingüística. O ensino de linguas minorizadas na Sociedade da Información, visto desde a perspectiva galega e da diversidade' que se celebrou ao longo do día no Auditorio da Xuventude de Cambados. O congreso, organizado pola Concellería de Cultura deste concello, contou co apoio da Deputación de Pontevedra e da Consellería de Cultura.

Durante o acto de clausura, Valentín García felicitou a Cambados pola iniciativa e destacou a pertenza deste concello á Rede de Dinamización Lingüística, que “serve de estímulo para que as entidades locais traballen a prol da lingua galega dunha maneira cada vez máis directa, eficaz e coordinada”. O secretario xeral quixo deixar constancia “unha vez máis” do éxito do uso de linguas coma o galego na educación, “en programas de ensino bilingüe ben deseñados que garanten a aprendizaxe dos contidos e mais dos idiomas empregados como vehiculares”, un éxito para o que, “ademais das políticas deseñadas dende a Administración, é imprescindible o bo facer do profesorado e a colaboración de toda a comunidade educativa”.

Acompañaron o secretario xeral na mesa de clausura o concelleiro de Cultura e Educación do concello de Cambados, Víctor Caamaño Rivas, e a docente e coordinadora do congreso, Inma Castro González.

O 'I Congreso de Normalización Lingüística. O ensino de linguas minorizadas na sociedade da información, visto desde a perspectiva galega e da diversidade' celebrouse co obxectivo de presentar experiencias dos e das docentes de Educación Secundaria Obrigatoria en canto ao uso do galego no currículo educativo, ademais de facer fincapé nos resultados positivos do ensino en linguas minorizadas e o aproveitamento para a súa promoción a través da análise entre 'linguas colaterais', coma o galego e o portugués.

Baseado nos obxetivos europeos de favorecer o plurilingüismo e o pluriculturalismo, ocupouse tamén do 'supremacismo lingüístico', para o que contou coa presenza do profesor da Universidade Autónoma de Madrid Juan Carlos Moreno Cabrera. Os 65 asistentes a esta actividade de formación e de debate puideron escoitar tamén as conferencias de Marcos Maceiras (da Mesa pola Normalización Lingüística), que se ocupou do galego nas relacións cos países de lingua portuguesa, e de Xoán Paulo Rodríguez Yáñez (da Universidade de Vigo), quen disertou sobre “A xestión do noso bilingüismo e a súa posta en valor”. Así mesmo, celebráronse dúas mesas redondas -”Conciencia lingüística” e “A lingua galega a través das TIC”- con participación dos docentes de educación secundaria Héctor Rodríguez (Compañía de María), María López (IES Xulián Magariños), Séchu Sende (IES Marco do Camballón), María Teresa Aragunde (IES Ramón Cabanillas), Ramón Blanco (IES Francisco Asorey) e Rafael Lobelle (IES O Couto).

A Consellería de Cultura, Educación e Ordenación Universitaria valorou a asistencia ao congreso con 8 horas de formación do profesorado.

20 CONCELLOS ASISTIRÁN AO SEMINARIO A CIDADE DOS NENOS DA MAN DA DEPUTACIÓN

A Deputación de Pontevedra levará a Granada o vindeiro 2 de xuño a unha ducia de concellos da provincia para participar no seminario de ‘Cidades d@s nen@s' organizada polo investigador italiano Francesco Tonucci (Frato). No encontro exporanse as diferentes experiencias de cidades de todo o estado que xa están a aplicar a filosofía de tomar aos nenos e nenas como referencia das necesidades de toda a cidadanía. "Os concellos da provincia teñen a oportunidade de coñecer solucións e actuacións concretas que se están a adoptar noutras localidades… de intercambiar experiencias de xestión e exemplos para aplicar nas súas propias vilas adaptándoas ás súas características", sinalou o vicepresidente Mosquera. Así mesmo, ademais do seminario, a expedición pontevedresa tamén visitará a exposición ‘Imaxinar a educación. 50 anos con Frato', que reúne traballos e viñetas publicados polo pedagogo e debuxante que reflexan a aposta por deixar aos nenos e nenas desenvolverse de maneira autónoma.

Esta viaxe a Granada xorde despois da reunión organizada a primeiros de ano na que o vicepresidente Mosquera anunciou que a Deputación de Pontevedra tiña intención de liderar e xestionar unha delegación do proxecto da 'Cidade dos nenos'. Dende entón foron 16 os municipios pontevedreses que xa aprobaron en Pleno a súa adhesión á rede. Dado o interese mostrado, e coa finalidade de facilitar a asistencia ao seminario do 2 de xuño aos concellos, a Deputación pagará a viaxe ata Granada para que os representantes municipais interesados poidan acudir. Estarán presentes as alcaldesas e alcaldes de Silleda, Catoira, Cambados, Tomiño e concelleiros de Catoira, Salceda, Vila de Cruces, Arbo, Vilaboa, Pontevedra, Ponteareas, Redondela e Lalín, ademais do vicepresidente, o deputado provincial de Mobilidade, Uxío Benítez, e outros dirixentes provinciais.

Congreso en Pontevedra

Por outra banda, Mosquera anunciou hoxe que no mes de setembro o propio Francesco Tonucci visitará a cidade de Pontevedra cunha representación de alcaldes da rexión do Lazio (Italia). A súa intención é que os representantes municipais coñezan ‘in situ' a cidade que o propio Frato considera referente de actuación e modelo a seguir por parte doutras localidades. Hai que indicar que o Concello de Pontevedra participará como poñente principal no seminario de Granada nos actos abertos ao público, ademais de protagonizar tamén a xornada de traballo interna para os municipios adheridos á rede de ‘cidades dos nenos' que terá lugar pola mañá o día 2.  Finalmente, Mosquera tamén indicou que a Fundación de Tonucci está a traballar na organización dun novo encontro e dun gran congreso que se celebraría en 2017 e que ten moitos visos de celebrarse en Pontevedra, probablemente coa colaboración da Deputación provincial. 

O proxecto de 'cidades d@s nen@s' baséase en dous piares: que as nenas e nenos participen no goberno da súa cidade e recuperen a súa autonomía mediante un deseño dos espazos públicos axeitado. Neste último aspecto, o sociólogo italiano propón a utilización dos camiños escolares como primeiro chanzo para actuacións máis globais. Segundo explicou César Mosquera, a Deputación considera que a filosofía de Tonucci entronca perfectamente co que o organismo provincial quere desenvolver na provincia para conseguir que as cidades e vilas sexan cómodas, amables, seguras e accesibles, garantindo a mobilidades de tódolos sectores e non só dos vehículos (cuestión que xa se recolle no decálogo de actuación nas vías provinciais).

FINALIZA EN CAMBADOS O CONGRESO INTERNACIONAL DE ENOTURISMO ORGANIZADO POR AENOTUR

Cambados puxo o pasado sábado o peche ao Congreso Internacional de Enoturismo, que deu comezo o xoves 2 de xullo en Viana do Castelo, despois da Asemblea do mércores, e que percorreu distintos puntos da xeografía portuguesa para concluír na capital do Albariño. Este congreso foi organizado por AENOTUR, a asociación internacional de enoturismo fundada fai un ano na nosa vila.

Os asistentes ao congreso foron recibidos pola alcaldesa Fátima Abal e por varios membros da Corporación local. Durante a mañá, desenroláronse no Salón José Peña as diversas ponencias, centradas todas elas na posta en valor do turismo enolóxico, un tipo de turismo que está experimentando un grande auxe na actualidade.

Despois das ponencias, a xornada continuou cunha visita ao conxunto histórico, con parada no Pazo de Fefiñáns. A continuación, os asistentes visitaron a adega de Albariño, Lagar de Costa na parroquia de Castrelo, na que puideron disfrutar de catas comentadas, e visitar a adega así como os viñedos a beira do mar. Despois o xantar foi a cargo de Cooperativa Salnesur, no Pazo de Baion, onde tamén se fixo un pequeno percorrido polas instalacións desta adega, para rematar a tarde cunha visita na bodega Martín Códax, na que se explicou as características especiais e o proceso de elaboración que fan do Albariño un viño de gran calidade e sona internacional. Rematando na adega Martín Códax oficialmente o acto de clausura do evento e facéndose salón de actos da adega as conclusións polos representantes dos países participantes: España, Portugal, Brasil, Uruguai e Arxentina.

A xornada rematou no Museo do Viño, onde se serviu unha cea buffet, e na que os participanes no congreso comentaron as súas impresións e intercambiaron opinións como peche ao evento.

Con este tipo de eventos, e coa participación en entidades como AENOTUR, Cambados busca ser un dos referentes mundiais en canto ao turismo relacionado co mundo do viño, un mercado que emerxe con gran forza e que demanda ante todo calidade en canto aos contidos ofertados, unha calidade da que os nosos viños poden sentirse orgullosos.

CONGRESO INTERNACIONAL DE ENOTURISMO EN CAMBADOS

CONGRESO INTERNACIONAL DE ENOTURISMO. EUROPA

"Coñecendo a demanda de enoturismo no mundo. Estudo de Alemania,
Francia, Reino Unido, Asia e canle bloggers de Internet"
Viana do Castelo, Ponte de Lima, Melgaço-Monçãou e Cambados
2 a 4 de xullo 2015

Viana do Castelo, Monçãou-Melgaço e Cambados, asociadas de AENOTUR, organizan entre Portugal e España o Congreso Internacional de Enoturismo na súa Edición Europa.
Este Congreso é unha continuación do 4 congreso Latinoamericano de Enoturismo celebrado en Brasil en 2014 e que no 2015 desenvolverase a través de dúas edicións unha en Europa e outra en Latinoamérica. (Xullo e outubro respectivamente).
A área obxectivo deste Congreso nas súas dúas edicións será a Demanda de Enoturismo por países e canles. En cada país analizarase o seu mercado, motivaciones, segmentación, canles, expectativas en destino, gasto e os principais elementos que han de coñecer os destinos e rutas do viño e as empresas da oferta enoturística.

Obxectivos

Dar a coñecer o potencial mercado de turistas do viño dos países e áreas obxectivo.
Mostrar á oferta de enoturismo Europea e internacional como, cando e que facer
para chegar ao potencial enoturista dos países obxectivo.
Desafíos
Que volume de enoturistas actual e potencial ten cada país/área?
Canto tempo dura a estancia por segmento e cando o decide?
Que volume de gasto?
Que segmentación da demanda pódese facer?
Que razóns motívanlle a elixir o enoturismo e non outras ofertas?
Que elementos valora e que canles utiliza cada segmento?
Que actividades son as preferidas ou teñen previsto realizar?
Que expectativas ten respecto ao patrimonio natural, material e inmaterial
vinculado ao viño?
Que expectativas ten respecto de a oferta enológica e turística?

Desenvolvo

Relatorios de presentación de visión xeral do país/área
Mesas redondas de debate e análise de aspectos da demanda
Visitas experimentais a patrimonio e oferta enológica e turística na que se realizarán exercicios prácticos de valoración da experiencia de visita como turistas
do país emisor

PROGRAMA

2.07.2015. Viana do Castelo (Portugal)
Inauguración, presentación xeral de obxectivos.
Presentación do Congreso Internacional en Latinoamérica.
País 1. Reino Unido.
País 2. Francia
Comida
Visita experimental en Viana do Castelo.
País 3. Alemania
3.07.2015. Ponte de Lima-Melgaço-Monçãou (Portugal)
Saída desde Viana do Castelo cara a Ponche de Lima
Visita experimental en Ponche de Lima
Melgaço: Análise de demandas emerxentes: Rusia, Chinesa e Xapón.
Comida
Visitas experimentais en Monçãou
Saída para Cambados
4.07.2015 Cambados (España)
Canle Internet. Repercusión dos bloggers na promoción en Internet.
Presentación Portal Internacional Enoturismo de Aenotur
Comida
Visitas experimentais
Pechadura e conclusións do Congreso Internacional.
Cea buffet

Inscripción. www.winedestiny.com 
Sección Aenotur Events. Traducciones.  

Programa y noticias sobre Congreso. www.winedestiny.com  
www.cm-viana-castelo.pt  
www.cm-pontedelima.pt  
www.cm-moncao.pt  
www.cm-melgaco.pt  
www.cambados.es 

PUCHERAZO NO CONGRESO LOCAL DO PP?

FAN TRAMPAS AÍNDA XOGANDO NA CASA

Que fai o alcalde de O Grove cunha papeleta cun "SI", no congreso do PP de Camabdos cando o que se elixía era o presidente do PP local?

 Fotos face do Populares Provincial Pontevedra

A mesma pregunta poderíase facer no caso da alcaldesa de Meaño. Supoñemos que puxeron unha desas papeletas en cada silla e eles puxéronse a xogar coma miniños cos papeliños azuis. Alo menos a sr. Ucha non a ergueu para votar como fai o alcalde do Grove.

Vendo as fotos todas poderedes sacar moitas conclusións do estado de cousas que pasa en Cambados e porque os postos de traballo están tan repartidos entre "todos" os cambadeses.

ARAGUNDE SUSTITÚE A TOURIS NA PRESIDENCIA DO PP DE CAMBADOS

Sabido é por todos que o PP está a celebrar os seus congresos locais en Galicia, e como non podía ser doutro xeito tamén ao de Cambados lle chegou a hora de "renovar" cargos. 
A segunda fin de semán de abril celebrarase o congreso do Partido Popular de Cambados pola tarde. 
Máis dunha década levan sen renovar os seus órganos directivos da agrupación local de Cambados.  Luís Aragunde, o alcalde, tomará o relevo a José Manuel Cores Tourís, delegado da Xunta en Pontevedra e exregidor.

A comisión organizadora do congreso que se celebrará o 13 de abril en Cambados proclamou a Luís Aragunde como único candidato a liderar ao PP na localidade. O actual referente do PP cambadeses cumpriu con facilidade o trámite de presentar polo menos cincuenta apoios para validar as súas aspiracións a presidir á formación.

Unha vez efectuadas as comprobacións oportunas e ratificadas as firmas entregadas, a comisión organizadora do congreso decidiu proclamar a Aragunde e abrir unha nova fase neste proceso congresual. Así as cousas, antes do día 10 o xa único candidato oficial terá que presentar os avales pertinentes para formalizar a lista que presente para o comité de dirección e o comité executivo do PP de Cambados.

1ª ASEMBLEA NACIONAL DE ANOVA-IRMANDADE NACIONALISTA

Anova-Irmandade Nacionalista prepara a súa primeira asemblea nacional, que desembocará nun plenario o fin de semana do 8 e 9 e xuño, e na que os afiliados poderán facer achegas ás teses de forma directa. Este prazo de dúas semanas finalizará o 17 de marzo.

A coordinadora nacional de Anova, formación que concorreu nas pasadas eleccións autonómicas con Esquerda Unida en coalición, acordou que celebrará o fin de semana do 8 e 9 de xuño a súa primeira asemblea nacional, despois da súa constitución o pasado ano.

Con anterioridade, no mes de abril, celebrará unha asemblea deliberante aberta á participación de todas as persoas que queiran compartir as súas opinións con esta formación, así como ideas, propostas e a situación política, xunto co propio papel de Anova.

Na asemblea, participarán directamente con voz e voto todas as persoas afiliadas, que terán xa na elaboración das teses un papel "central", coa posibilidade de facer achegas directas aos documentos.

Anova constituíuse en formación política o pasado 14 de xullo, despois dunha asemblea constituínte na que se aglutinaron correntes políticas como os 'irmandiños' de Xosé Manuel Beiras e Martiño Noriega --alcalde de Teo--, escindidos do BNG, ou outras formacións da esquerda nacionalista.

"HORIZONTAL, ABERTO AO PLURALISMO"

Esta organización destaca que é froito dun "proceso intenso de creación de abaixo cara a arriba", que desembocou nunha formación "de novo tipo", é dicir, "horizontal, aberta ao pluralismo existente no nacionalismo de esquerda e ao servizo da maioría social".

Hoxe en día, "tras un proceso de maduración, de práctica política e aprendizaxe urxente", sinala, Anova vai a "necesidade de novas concrecións, actualización de estratexias e medidas de reforzo organizativo" que fan que encare esta asemblea ordinaria "coa ilusión de completar un primeiro ciclo inicial, frutífero e que superou as máis ambiciosas expectativas" previstas no mes de xullo do pasado ano.

COMO SE AGARDABA LOUZÁN NON TERÁ RIVAL NO CONGRESO DO PP PROVINCIAL

Como xa se sabía, Rafael Louzán é o único candidato oficial á presidencia do Partido Popular en Pontevedra.

Un feito que  ven de confirmar o Comité Organizador deste Congreso Provincial. Un conclave ó que Louzán se presenta con dous milleiros máis de avais dos precisos inicialmente. Deste xeito, Louzán acude sen competencia a este décimo sexto congreso do PP pontevedrés liderando por quinta vez unha candidatura.

O vindeiro luns comezará formalmente a campaña interna, aínda que xa todo está decidido a priori. O día 19 remata o prazo para a presentación de compromisarios que se agarda que sexan unhas 804 persoas, deles 150 compromisarios de caracter nato.

O reparto destes compromisarios dependerá do número de afiliados de cada concello e do número de votos que colleitara esta forza nas últimas eleccións. O propio congreso terá lugar o día 23 que Novagalicia Banco ten na Cidade do Lérez. A él está previsto que asista o Presidente do PP de G e da Xunta, Alberto Núñez Feijóo e o Consellerio de Medio Ambiente Agustín Hernandez. Non se sabe aínda se asistirá o Presidente do Goberno, Mariano Rajoy.

O que si se sabe é o lema do Congreso, volverá a ser“ Sigamos avanzando”. O que si servirá este congreso será para escoitar as bases en torno as solucións que propoñen para os problemas actuais da sociedade.

O DEBATE DE HOXE NO CONGRESO DOS DEPUTADOS E DE COÑA

O Congreso dos Deputados debate a admisión a trámite dunha iniciativa popular promovida entre outros por CCOO, UGT e a Plataforma de Afectados pola Hipoteca, que solita a dación en pago retroactiva, ademais dunha moratoria de todos os desaloxos e a promoción do aluguer social. Esta iniciativa popular chega ao Congreso dos Deputados avalada por 1,4 millóns de firmas, aínda que previsiblemente será rexeitada pese ao apoio que xa expresaron o PSOE e outros grupos. Ademais da dación en pago retroactiva e a moratoria de todos os desalojos, esta iniciativa solicita a creación dun aluguer social para as vivendas baleiras dos bancos que sexa superior ao fondo duns 6.000 inmuebles que foi constituído polo Goberno fai un mes. Antes do debate desta proposta, representantes das entidades promotoras desta iniciativa, que son CCOO, a Confederación de Asociacións Vecinales de Catalunya, Observatorio DESC, a Plataforma de Afectados pola Hipoteca, a Mesa do Terceiro Sector Social de Catalunya e a UGT, ofrecerán unha roda de prensa diante do Congreso dos Deputados.                                                                                          Ás 12.00 horas, reuniranse co presidente do Congreso dos Deputados, Jesús Pousada e posteriormente, ás 12.45 horas, entrevistaranse con representantes do grupo parlamentario do PP, e ás 13.30 horas, co de CiU. A sesión plenaria que debaterá esta proposta comeza ás 16.00 horas. Coincidindo coa votación da proposta para a dación en pago, o Congreso tamén debate tómaa en consideración da regulación da festa dos touros como ben de interese cultural, que parece podería saír adiante. Esta iniciativa que foi presentada pola Federación de Entidades Taurinas, solicitou unhas 590.000 firmas de apoio.           En que mans estamos.....................

¡INSÓLITO! RECORD DE AFILIACIONS A O PP

Leemos estos dias na prensa e nos blogs que Rafael Louzán obtará a reelección coma presidente do Partido Popular de Pontevedra. Leemos tamén que secretaria xeral ven de dar os datos de afiliados do PP pontevedrés e no que se reflexan uns datos bastante contradictorios coa actualidade que vivimos.
O PP de Pontevedra bateu o record de afiliacións pese ao "descrédito político" e a situación económica.

Así o asegurou a secretaria xeral do PP de Pontevedra, Begoña Estévez, que resaltou que non só "non se produciron baixas", senón que acadaron as 34.000 afiliacións, co que bateron o seu récord.

Desta forma, convértese así na provincia galega con máis afiliados e sitúase entre as 10 provincias españolas cunha masa social máis numerosa no seo do PP. "Un dos obxectivos é seguir aumentando o número de afiliados e estar máis preto da xente", engadiu Begoña Estévez.

Dende logo é paradóxico que no momento actual o partido que leva a España a encabezar as estadísticas negativas en varios aspectos e que perde segundo as enquisas case un 20% do apoio electoral en menos de ano e medio, sume adeptos a sua causa.

Non queremos pensar mal, pero dado que para moita xente atopar traballo é algo case que imposible e sabendo como funcionan certas Deputacións e Concellos governados polos “populares” en materia laboral, cecáis moitos pensen que o verdadeiro INEM ou SGC non se atope nas oficinas destas entidades senón nas sedes do PP.

Confío en que a xente se afilie a o PP porque crea no proxecto e non coma unha saída laboral, por moi importante que sexa levarlle un anaco de pan a os seus. A dignidade vale moito máis coma para baixar os pantalóns en algo no que non se cre.

ENCHUFADOS I EMPRESAS AMIGAS, ¡ LOUZÁN OPTA A REELECCIÓN NO PP PROVINCIAL¡

Para ledicia dos enchufados polo partido na provincia de Pontevedra e constructoras en particular Rafael Louzán, presidente da Diputación de Pontevedra e do Partido Popular na provincia, intentará a reelección á fronte do partido, no congreso que terá lugar o próximo 23 de marzo nesta capital. Louzán Abal, confirmouno coas suas declaracións no transcurso do programa "A Opinión"(portavoz oficioso do PP), de Radio Pontevedra, uns minutos logo de celebrar unha reunión da xunta directiva provincial do PP, na sé da rúa Reina Vitoria. Acepto os apoios e ánimos dos militantes do PP; pero terán que ser os compromisarios quen decidan quen presidirá o partido, decía Louzán coa humildade que o caracteriza. Neste congreso provincial do próximo 23 de marzo, participarán 800 compromisarios con dereito a voto, ademais doutros moitos militantes, simpatizantes, amigos, empresarios i enchufados. Onte pola tarde foron elixidos o alcalde de Bayona, Jesús Vázquez Almuiña, como presidente do comité organizador; e Begoña Estévez, como secretaria. Rafael Louzán chegou á presidencia do PP na provincia de Pontevedra, o ano 2000, e todo fai supoñer que renovará no cargo ata 2017, entre outras razóns porque foi unha peza fundamental nos éxitos electorais do partido nas tres últimas eleccións celebrada: as municipais, incrementando a súa presenza na Diputación; as Xerais, gañando en todos os municipios da provincia; e nas Autonómicas.