PONTEVEDRA-SALNÉS: NOVO RÉCOR E CAMBADOS XA SOBREPASA OS 60 ACTIVOS

Os positivos dispáranse na zona ata o récord da sexta onda: 209 en 24 horas. 

Os hospitais de Pontevedra e O Salnés atenden agora a 46 persoas, tres máis que o día anterior. Seis están na UCI.

Montecelo ten 35 persoas ingresadas en planta de hospitalización, mentres que outras dúas están no Hospital do Salnés e tres no QuirónSalud Miguel Domínguez. 

Os pacientes máis graves son outros seis que están ingresados na UCI de Montecelo. 

O resto dos que contraeron o virus, outras 1.590 persoas, atópanse illadas nos seus domicilios e baixo supervisión médica.

Desde o inicio da pandemia 21.697 pacientes da área sanitaria superaron a covid-19, 36 nas últimas 24 horas, e rexistráronse 211 falecementos asociados ao virus.

Na área sanitaria de Pontevedra e O Salnés ao igual que o resto de Galicia soben os casos, no seu caso mesmo con record. E é que por primeira vez nesta onda supera os 200 positivos detectados en 24 horas.

Engade exactamente 209, moi por riba dos 121 do día anterior. E mesmo dos 161 do xoves, o récord anterior. Tendo en conta as estatísticas do Sergas, hai que remontarse a xullo para atopar un día no que se superaron os 200 contaxios. 

Cambados chega aos 62 casos activos, pero ao igual que o resto de concellos do Salnés non coinciden cos datos aportados por Sanidade, que se ciñe a os enfermos nos últimos 7 e 14 días.

Novos casos diagnosticados por PDIA (Probas Diagnósticas de Infección Activa) nos últimos 14 días (datos do SERGAS) no Salnés:

Cambados                      58                         

Illa de Arousa                -10           

Meaño                           -10            

Meis                               10            

O Grove                          29              

Ribadumia                       18                    

Sanxenxo                        35                    

Vilagarcía de Arousa       186 

Vilanova de Arousa           30