Continúa o incremento de casos activos e de persoas hospitalizadas na área sanitaria de Pontevedra-O Salnés a poucos días do Nadal. Hoxe hai que sumar 121 novos contaxios, menos que os contabilizados onte.
Segundo a consellería de Sanidade este venres 10, hai 1.465 casos activos na área, son 71 casos máis que onte xoves. De estes, 38 pacientes están ingresados en planta de hospitalización, os mesmos que o xoves. Divídense do seguinte xeito. A maior parte, 34, están no Hospital Montecelo e dous no Hospital do Salnés máis outros dous no Hospital Quirón Saúde Miguel Domínguez. A estes, hai que sumar cinco pacientes, dous máis que onte, na unidade de Coidados Críticos do Complexo Hospitalario Universitario de Pontevedra. Polo que o total de ingresados sobe a 43
Nas últimas horas non se rexistraron novos falecementos na área e o número de falecidos é de 211 pacientes desde o inicio do plan de continxencia. Curáronse 48 persoas nas últimas 24 horas.
Novos casos diagnosticados por PDIA (Probas Diagnósticas de Infección Activa) nos últimos 14 días (datos do SERGAS) no Salnés:
Cambados 48
Illa de Arousa -10
Meaño -10
Meis -10
O Grove 27
Ribadumia 17
Sanxenxo 32
Vilagarcía de Arousa 174
Vilanova de Arousa 27
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.