PONTEVEDRA-SALNÉS: O HOSPITAL DO SALNÉS LIBRE DE COVID

Coronavirus Pontevedra: 7 novos infectados e baixan a 171 os casos activos A área pontevedresa continúa mellorando a súa situación e non hai ningún municipio máis aló de Pontevedra cidade con máis de 10 contaxios na última semana A área sanitaria de Pontevedra e O Salnés continúa mellorando a súa situación e resta outros 15 casos activos de coronavirus, tendo nestes momentos 76 infectados menos que fai sete días. Nas últimas 24 horas producíronse 7 novos contaxios e 22 altas, o que fai que baixen en 15 persoas os casos activos, pasando de 186 a 171. Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 3 63 O Grove 0 0 Ribadumia 3 59 Sanxenxo 0 0 Vilagarcía de Arousa 16 43 Vilanova de Arousa 3 29 Baixa de novo a incidencia na cidade de Pontevedra e a capital provincial é o único municipio con máis de 10 contaxios nos últimos 7 días. Cambados conta a día de hoxe con 5 enfermos activos. O número de pacientes hospitalizados baixa de 10 a 8 persoas, distribuídas en 10 pacientes no CHU de Pontevedra (7 en planta e 1 na UCI), ningún no Hospital Público do Salnés e ningún no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.348 casos de coronavirus, con 181 falecementos, 13.996 altas e 171 casos activos nestes momentos.