PONTEVEDRA-SALNÉS: DISPÁRASE O GROVE, EMPEORA MEIS I ESTABILÍZASE SANXENXO

Coronavirus Pontevedra-Salnés: 22 contaxios novos e soben a 251 os casos activos A incidencia no Grove dispárase ata 376, mentres a situación segue empeorando en Meis e Pontevedra cidade. A área sanitaria de Pontevedra e O Salnés suma hoxe outros cinco casos activos debido ao alto número de contaxios. A situación continúa deteriorándose aos poucos, e o gran protagonista dos últimos días é O Grove, que hoxe volve sumar numerosos casos ata chegar a 376 de incidencia. Nas últimas 24 horas producíronse 22 contaxios novos e 17 altas, o que fai que aumenten en 5 os casos activos, pasando dos 246 de onte aos 251 de hoxe. Incidencia: Casos por 100.000 habitantes nos últimos 14 días nos concellos do Salnés

Cambados 3 22

Illa de Arousa 11 223

Meaño 3 57

Meis 10 209

O Grove 40 376

Ribadumia 3 59

Sanxenxo 32 184

Vilagarcía de Arousa 16 43

Vilanova de Arousa 3 29

Sobe a incidencia en Pontevedra cidade, chega ata 209 en Meis e dispárase no Grove ata os 376 puntos, converténdoo nun dos municipios máis afectados de Galicia. O número de pacientes hospitalizados sobe de 16 a 20 persoas, distribuídas en 17 pacientes no CHU de Pontevedra (16 en planta e 1 na UCI), 2 no Hospital Público do Salnés e 1 no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 12.888 casos de coronavirus, con 167 falecementos, 12.470 altas e 251 casos activos nestes momentos.