PONTEVEDRA-SALNÉS: CONTINÚA EMPEORANDO A SITUACIÓN NO ÁREA

Coronavirus Pontevedra-Salnés: 25 contaxios novos e soben a 246 os casos activos A área sanitaria pontevedresa continúa rexistrando un crecente número de contaxios e empeorando a súa situación. A área sanitaria de Pontevedra e O Salnés empeora de novo e suma 13 casos activos debido ao aumento de contaxios. A zona do norte do Salnés segue estando moi tranquila, pero toda a costa que vai desde O Grove ata Bueu vai aos poucos sumando contaxios e aumentando en incidencia. Cambados mantén os 10 enfermos activos de onte. Nas últimas 24 horas producíronse 25 contaxios novos, 1 falecemento (un home de 67 anos no Complexo Hospitalario Universitario de Pontevedra - CHUP-) e 11 altas, o que fai que aumenten en 13 os casos activos, pasando dos 233 de onte aos 246 de hoxe. Incidencia: Casos por 100.000 habitantes nos últimos 14 días en concellos do Salnés Cambados 3 22 Illa de Arousa 3 61 Meaño 3 57 Meis 10 209 O Grove 33 310 Ribadumia 3 59 Sanxenxo 34 196 Vilagarcía de Arousa 16 43 Vilanova de Arousa 3 29 Sobe a incidencia en Pontevedra cidade e continúa aumentando no Grove, onde xa supera os 300 puntos. O resto da área sanitaria pontevedresa continúa relativamente tranquila. O número de pacientes hospitalizados baixa de 17 a 16 persoas, distribuídas en 13 pacientes no CHU de Pontevedra (12 en planta e 1 na UCI), 2 no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 12.866 casos de coronavirus, con 167 falecementos, 12.453 altas e 246 casos activos nestes momentos.