SEIS VIÑOS RIAS BAIXAS ENTRE OS MELLORES EN IRLANDA

Seis viños das Rías Baixas lograron situarse entre os mellores de España no certame “ Best of Spain Wine Challenge”, un concurso organizado pola Unión Española de Catadores que se celebra en Amsterdam e Dublín. Neste caso as seis adegas lograron o premio na versión irlandesa, co Best of Wine Challenge Ireland 2020.

Dúas adegas lograron clasificarse entre os premiados como “ Grand Gold” mentres que outras catro levaron o premio “Gold” nunha competición entre viños brancos, rosados, tintos, espumosos, de agulla, xenerosos e doces, todos eles elaborados en España. A máxima distinción foi para Agro de Bazán, co seu viño “Granbazán etiqueta ámbar” e para a Unión de Adegueiros Galegos con “Lagar do Frade”. O primeiro deles procede dunhas cepas de máis de 35 anos no Salnés. Destaca, segundo a adega, por unha “alta intensidade aromática con predominio en nariz de notas tropicais como o litchi, froita da paixón e a guayaba, enmarcada no característico perfil cítrico e floral da variedade. En boca é unha explosión de sabores onde a acidez e a salinidade son os protagonistas”.

En canto a “ Lagar do Frade”, trátase dun viño albariño de 12,5º de cor amarela pajizo e moi afrutado en nariz, de intensidade media, con recordo a mazá e pera. En canto aos galardoados co premio de ouro, lograron o distintivo as adegas Agro de Bazán con “ Granbazán etiqueta verde”, Marqués de Vizhoja con “Torre a Moreira”, Adegas Pablo Padín con “Albariño Segrel Ambar” e Adegas Rioxanas con “Veiga Naum”.
Granbazán etiqueta verde é un viño de perfil clásico e esencia do Salnés elaborado a partir dos mellores mostos macerados de uva albariña a beiras da ría de Arousa. Trátase dun caldo cunha gradación acohólica do 13%. Torre de Moreira de Marqués de Vizhoja trátase do albariño máis puro da marca. Un Rías Baixas elaborado 100% con uvas propias seleccionadas e colleitadas manualmente nas case 40 hectáreas de viñedo en leira A Moreira.
Segrel Ámbar, de Adegas Pablo Padín, ofrece uva albariño das parcelas da adega no Salnés. É un dos Rias Baixas máis premiados nos prestixiosos concursos que participou a nivel nacional e internacional. Por último, Adegas Rioxanas logra o galardón “Gold” con Veiga Naúm, veu elaborado con “mimo artesanal” por unha pequena adega familiar, Veiga Naúm en pequenas parcelas exclusivamente da variedade albariño distribuídas polo Salnés baixo o selo de viticultura sostible. O xurado destes premios está composto por líderes de opinión e críticos especializados do sector en Irlanda, un dos países europeos que máis viño español importa cada ano.