PONTEVEDRA-SALNÉS: SEGUE IGUAL QUE ONTE, SO UN CASO MÁIS

Coronavirus Pontevedra-Salnés: 16 contaxios novos e soben a 218 os casos activos

Os contaxios e as altas continúan sendo moi similares na área sanitaria. A área sanitaria de Pontevedra e O Salnés empeora hoxe en soamente un caso activo e segue oscilando dunha maneira relativamente estable. Nas últimas dúas semanas mantívose entre 200 e 220 casos. A situación na área sanitaria só destaca en Sanxenxo. Nas últimas 24 horas producíronse 16 contaxios novos, 1 falecemento, o primeiro en dúas semanas (un home de 76 anos n o Complexo Hospitalario de Pontevedra (CHOP)) e 14 altas, o que fai que suban en 1 os casos activos, pasando dos 217 de onte aos 218 de hoxe. Incidencia: Casos por 100.000 habitantes nos últimos 14 días nos concellos do Salnés. Cambados 3 22 Illa de Arousa 3 61 Meaño 3 57 Meis 3 63 O Grove 12 113 Ribadumia 0 0 Sanxenxo 48 277 Vilagarcía de Arousa 11 29 Vilanova de Arousa 3 29 Mantense igual de alta a incidencia en Sanxenxo, mentres que sobe en Pontevedra cidade e baixa en Marín. Na zona do Salnés a situación continúa moi tranquila. Sanxenxo mantén a incidencia de onte e Cambados, baixa un enfermo activo, ata 10 de novo. O número de pacientes hospitalizados baixa de 21 a 20 persoas, distribuídas en 19 pacientes no CHU de Pontevedra (18 en planta e 1 na UCI), 1 no Hospital Público do Salnés e ningún no Quirónsalud Miguel Domínguez. Na área sanitaria de Pontevedra-O Salnés que inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo desde o inicio da pandemia tivo 12.751 casos de coronavirus, con 162 falecementos, 12.371 altas e 218 casos activos nestes momentos.