PONTEVEDRA-SALNÉS: SANXENXO, MANTENSE. O GROVE SUBE E CAMBADOS BAIXA DE 10 ACTIVOS

Coronavirus Pontevedra-Salnés: 18 contaxios novos e soben a 231 os casos activos

A área sanitaria pontevedresa volve empeorar e O Grove convértese nunha das zonas máis afectadas. A área sanitaria de Pontevedra e O Salnés volve empeorar sumando 13 casos activos debido ao alto número de infeccións, moitos deles producidos no Grove, que se converte da noite para a mañá nun dos principais focos de COVID-19 en Galicia. Nas últimas 24 horas producíronse 18 contaxios novos, 1 (unha muller de 94 anos no Complexo Hospitalario de Pontevedra) falecemento e 4 altas, o que fai que suban en 13 os casos activos, pasando dos 218 de onte aos 231 de hoxe. Incidencia: Casos por 100.000 habitantes nos últimos 14 días nos concellos do Salnés. Cambados 3 22 Illa de Arousa 3 61 Meaño 3 57 Meis 3 63 O Grove 20 188 Ribadumia 0 0 Sanxenxo 48 277 Vilagarcía de Arousa 11 29 Vilanova de Arousa 3 29 Mantense igual a incidencia en Sanxenxo, mentres que sobe un pouco en Pontevedra. Hoxe o protagonista da área sanitaria, ademais de Meis (que terá restricións desde mañá) é O Grove, que rexistrou unha gran cantidade de contaxios nas últimas 24 horas e xa ten 188 de incidencia. Cambados baixa de 10 activos algo que non se producía desde hai moitas semanas. Agora mesmo hai 8 casos activos. O número de pacientes hospitalizados mantense en 20 persoas, distribuídas en 19 pacientes no CHU de Pontevedra (17 en planta e 2 na UCI), 1 no Hospital Público do Salnés e ningún no Quirónsalud Miguel Domínguez. Na área sanitaria de Pontevedra-O Salnés, que inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia hai 12.769 casos de coronavirus, con 163 falecementos, 12.375 altas e 231 casos activos neste momento.