PONTEVEDRA-SALNÉS: NO CRIBADO DE CAMBADOS SO UN POSITIVO, EN SANXENXO SEGUE O AUMENTO DE CASOS

Coronavirus Pontevedra-Salnés: 27 contaxios novos e soben a 210 os casos activos A área sanitaria de Pontevedra e O Salnés empeora e Sanxenxo é onde se rexistran máis infectados. A área sanitaria de Pontevedra e O Salnés suma seis casos novos debido ao elevado número de contaxios de hoxe, 27, a maior cifra desde o 28 de febreiro. Varios destes contaxios concéntranse en Sanxenxo, que é o municipio da área onde máis aumenta a incidencia. Nas últimas 24 horas producíronse 27 contaxios novos e 21 altas, o que fai que suban en 6 os casos activos, pasando de 204 a 210. Incidencia: Casos por 100.000 habitantes nos últimos 14 días nos concellos do Salnés Cambados 3 22 Illa de Arousa 3 61 Meaño 3 57 Meis 0 0 O Grove 3 28 Ribadumia 0 0 Sanxenxo 27 156 Vilagarcía de Arousa 3 8 Vilanova de Arousa 3 29 Aumenta a incidencia en Pontevedra cidade e en Poio, pero onde máis o fai é en Sanxenxo, que sobe outros 29 puntos e xa estaría en niveis medios de restricións. Sanxenxo rexistrou 18 enfermos na última semana, e 25 nas últimas dúas. En Cambados siguen os mesmos 11 casos de onte e no cribado das farmacias so se detectou un caso positivo. O número de pacientes hospitalizados baixa de 17 a 16 persoas, distribuídas en 16 pacientes no CHU de Pontevedra (11 en planta e 4 na UCI), 1 no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés desde o inicio da pandemia tivo 12.629 casos de coronavirus, con 161 falecementos, 12.258 altas e 210 casos activos nestes momentos.