PONTEVEDRA-SALNÉS: CONTINÚA A MELLORÍA. CAMBADOS PRETO DO NIVEL MEDIO DE RESTRICIÓNS

Coronavirus de Pontevedra-Salnés: 14 novas infeccións e casos activos baixan a 442

A situación na área sanitaria de Pontevedra e O Salnés segue mellorando, con cada vez menos casos activos.

A área sanitaria de Pontevedra e O Salnés segue mellorando día tras día, que onte rexistrou só 3 infeccións e, aínda que hoxe sobe a 14, continúa con cifras moi baixas e mellorando as da semana pasada.

Nas últimas 24 horas producíronse 14 novas infeccións, 1 falecemento e 28 altas, o que fai que o número de casos activos caia en 15, pasando de 457 a 442.

Incidencia: casos por cada 100.000 habitantes nos últimos 14 días nos concellos do Salnés.

Cambados 29 211

Illa de Arousa 3 61

Meaño 3 57

Meis 3 63

O Grove 0 0

Ribadumia 3 59

Sanxenxo 28 161

Vilagarcía de Arousa 28 75

Vilanova de Arousa 25 243

A incidencia segue diminuíndo na cidade de Pontevedra e en Poio, e no conxunto da área sanitaria mantense alta, pero diminuíndo, en Soutomaior e Pontevedra. Cambados segue a diminuír os activos, hoxe 30, dous menos que onte. Así coa incidencia a 14 días deberíaselle quitar o nivel alto de restricións e pasar ao medio.

O número de pacientes hospitalizados baixa de 30 a 29 persoas, distribuídos en 24 pacientes no CHU de Pontevedra (15 na planta e 9 na UCI), 5 no Hospital Público do Salnés e ningún no Quirónsalud Miguel Domínguez.

A área sanitaria de Pontevedra-O Salnés

A área sanitaria Pontevedra-O Salnés comprende as comarcas de Pontevedra, O Salnés, Caldas (agás Valga e Pontecesures), Tabeirós-Terra de Montes (agás a Estrada) e os concellos de Marín e Bueu pertencentes ao Morrazo. Desde o inicio da pandemia, tivo 12.488 casos de coronavirus, con 159 mortes, 11.887 altas e 442 casos activos neste momento.