PONTEVEDRA-SALNÉS. SIGUE A MELLORA. CERCA DE BAIXAR DE 2000 ACTIVOS

Coronavirus de Pontevedra: 83 novas infeccións e casos activos baixan a 2.027

A área sanitaria de Pontevedra e O Salnés mellora un día máis e segue diminuíndo en pacientes hospitalizados.

Novo día de boas novas para a área sanitaria de Pontevedra e O Salnés, á que lle restan 114 casos activos e está a piques de baixar dos 2.000 grazas a que as altas seguen superando con creces as novas infeccións. Os 83 novos casos de hoxe son máis que os 68 de onte, pero case a metade dos 163 do pasado venres.

Nas últimas 24 horas producíronse 83 novas infeccións e 197 altas, o que significa que os casos activos baixan en 114, pasando de 2.141 a 2.027.

Casos e incidencia acumulada por cada 100.000 habitantes nos últimos 14 días nos concellos do Salnés.

Cambados                             50 364

Illa de Arousa                     18 365

Meaño                             32 607

Meis                                     32 668

O Grove                             42 394

Ribadumia                             29 574

Sanxenxo                             137 790

Vilagarcía de Arousa             159 424

Vilanova de Arousa               32 311

A incidencia segue mellorando na zona de Pontevedra, agás en Marín. Soutomaior e Forcarei seguen a ser os lugares con peores datos da zona. Cambados volve subir ata os 61, un máis que onte.

O número de pacientes hospitalizados baixa de 134 a 120 persoas, distribuídos en 104 pacientes no CHU de Pontevedra (84 na sala e 20 na UCI), 6 no Hospital Público do Salnés e 10 no Quirónsalud Miguel Domínguez.

A área sanitaria Pontevedra-O Salnés comprende as comarcas de Pontevedra, O Salnés, Caldas (agás Valga e Pontecesures), Tabeirós-Terra de Montes (agás a Estrada) e os concellos de Marín e Bueu pertencentes ao Morrazo. Dende o inicio da pandemia, tivo 11.631 casos de coronavirus, con 135 mortes, 9.469 altas e 2.027 casos activos neste momento.