PONTEVEDRA-SALNÉS: GRAN BAIXADA FAVORECIDA POLAS ALTAS E MENOS POSITIVOS

Coronavirus Pontevedra-Salnés: 61 contaxios novos e baixan a 1.787 os casos activos A área sanitaria de Pontevedra e O Salnés termina con 739 casos activos menos que o luns pasado. Segue mellorando a situación da área sanitaria de Pontevedra e O Salnés, que termina a semana notablemente mellor que a anterior e cunha tendencia de contaxios descendente. Os 1.787 casos activos de hoxe son 739 menos que o domingo pasado, e a situación hospitalaria tamén se aliviou, con 27 pacientes menos que o domingo pasado. Nas últimas 24 horas producíronse 61 contaxios novos, 1 falecemento e 195 altas, o que fai que baixen en 135 os casos activos, pasando de 1.922 a 1.787. Casos e Incidencia Acumulada nos concellos do Salnés por 100.000 habitantes nos últimos 14 días.

Cambados 51 371 Illa de Arousa 17 345 Meaño 31 588 Meis 35 731 O Grove 35 329 Ribadumia 21 416 Sanxenxo 105 605 Vilagarcía de Arousa 143 382 Vilanova de Arousa 29 281 A área sanitaria de Pontevedra continúa mellorando, e particularmente a capital do Lérez baixou moito a súa incidencia nos últimos días, chegando a adiantar a Ourense no ranking de cidades menos afectadas. No resto da área sanitaria a situación continúa mellorando aos poucos. Cambados mantén os datos de onte 63 enfermos activos. O número de pacientes hospitalizados baixa de 104 a 101 persoas, distribuídas en 89 pacientes no CHU de Pontevedra (68 en planta e 21 na UCI), 3 no Hospital Público do Salnés e 9 no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 11.758 casos de coronavirus, con 139 falecementos, 9.832 altas e 1.787 casos activos nestes momentos.