PONTEVEDRA-SALNÉS CERCA DOS 1200 CASOS ACTIVOS

Coronavirus Pontevedra: 88 contaxios novos e soben a 1.195 os casos activos A situación continúa complicándose en Pontevedra e O Salnés, pero segue notablemente mellor que o resto de Galicia. A área sanitaria de Pontevedra e O Salnés continúa empeorando e suma outros 50 casos activos, pero mantense moi por baixo dos crecementos que rexistran outras áreas de Galicia. A área da capital do Lérez é a única que non superou o seu máximo de casos activos da segunda onda, e mantense como a segunda menos afectada da comunidade, con 3 infectados máis que a de Ferrol. Nas últimas 24 horas producíronse 88 infeccións novas e 38 altas, o que fai que suban en 50 os casos activos, pasando de 1.145 a 1.195. Casos e Incidencia Acumulada por 100.000 habitantes nos últimos 14 días en concellos do Salnés.

Cambados 24 175 Illa de Arousa 24 487 Meaño 13 247 Meis 29 605 O Grove 20 188 Ribadumia 14 277 Sanxenxo 46 265 Vilagarcía de Arousa 122 326 Vilanova de Arousa 33 320

Segue subindo lixeiramente a incidencia na cidade de Pontevedra, e segue disparándose en Poio, que está preto dos 1.000 puntos. No resto da área sanitaria a situación segue complicándose en Vilagarcía, e continúa con incidencia moi alta en Cuntis e Caldas de Reis. Cambados volve a aumentar en 4 ata os 31 casos. O número de pacientes hospitalizados baixa de 78 a 76 persoas, distribuídas en 63 pacientes no CHOU de Pontevedra (49 en planta e 14 na UCI), 9 no Hospital Público do Salnés e 4 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 8.318 casos de coronavirus, con 92 falecementos, 7.031 altas e 1.195 casos activos nestes momentos.