O cambadés de nacionalidade hispano-arxentina, Agustín Pastoriza 'Pibe', habitual dos equipos galegos e criado no C.J. de Cambados, comezou a súa primeira aventura fóra do fútbol español no FC Inter Turku da máxima categoría de Finlandia ao mando do vigués José Riveiro.
O atacante de 24 anos, con pasado en Pontevedra, Coruxo e Ourense, así como na canteira do Betis, deixa o Burgos Promesa e asina por un ano nun novo reto profesional.
Pibe, que se mudou a España de neno, comezou a xogar ao fútbol en Cambados, para despois fichar no Pontevedra, pero debutou na liga da Primeira División de España vestindo a camisola do Betis de Sevilla en 2014. Ese mesmo ano, tamén xogou no equipo sub-20 de Arxentina. Non obstante, durante a maior parte da súa carreira, Pibe xogou na terceira liga de España (2ªB) cos equipos Betis B, Pontevedra, Coruxo e Ourense.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.