MENOS DE 550 ENFERMOS ACTIVOS MÁIS NESTA SEMANA QUE REMATA EN GALICIA

Coronavirus Galicia: 296 contaxios novos e baixan a 6.726 os casos activos

Termina a semana con 543 contaxios, 1.178 casos activos e 63 hospitalizados menos que a anterior. Continúan as boas noticias sobre a evolución da pandemia de coronavirus en Galicia e hoxe baixan de novo os contaxios e son menos en comparación co domingo pasado. A semana termina con parámetros moito mellores que a anterior e en niveis similares a mediados/finais do mes de outubro. Os 296 casos novos de hoxe son o 4,41% de diagnósticos positivos de 6.699 probas PCR, mentres que os 343 do domingo pasado eran o 4,96% de positivos de 6.913 tests. Na web de datos do Sergas di que nas últimas 24 horas confirmáronse 337 de COVID-19 por PCR, pero a diferenza entre o total de infectados desde o inicio da pandemia de hoxe (54.202) e o de onte (53.906) é de 296 persoas. Do mesmo xeito, os novos contaxios que indicamos por área sanitaria calculámolos co mesmo procedemento. Nas últimas 24 horas rexistráronse en Galicia 296 novos casos de SARS- CoV-2, 4 falecementos e 514 altas, o que fai que baixen en 222 persoas os casos de coronavirus, pasando dos 6.948 de onte aos 6.726 de hoxe. O total de hospitalizados sobe en 8 persoas, de 398 a 406 pacientes. O pasado domingo eran 469 hospitalizados, 63 máis que hoxe. O total de casos de coronavirus contabilizados polo Sergas desde o inicio da pandemia é de 54.202. Todas as áreas sanitarias melloran Coronavirus A Coruña: 40 contaxios novos e baixan a 1.376 os casos activos Coronavirus Ferrol: 23 contaxios novos e baixan a 586 os casos activos Coronavirus Santiago: 52 contaxios novos e baixan a 784 os casos activos Coronavirus Vigo: 91 contaxios novos e baixan a 1.800 os casos activos Un día máis melloran todas as áreas sanitarias de Galicia. A máis afectada é Vigo, con 1.800 casos activos (-42), seguida polos 1.376 da Coruña (-54), 990 en Pontevedra (-35), 788 en Lugo (-41), 784 en Santiago (-23), 586 en Ferrol (-10) e 402 en Ourense (-17). Novos contaxios por área sanitaria A Coruña: 40 Ferrol: 23 Lugo: 31 Ourense: 22 Pontevedra: 37 Santiago: 52 Vigo: 91 Total: 296 O total de falecementos desde o inicio da pandemia alcanza as 1.250 persoas, 4 máis nas últimas 24 horas, e son xa 631 nesta segunda onda, superando os 619 da primeira. O total de hospitalizados é de 406, divididos en 64 na UCI e 342 en unidades de hospitalización. O total de probas PCR realizadas é de 934.532, delas 6.699 nas últimas 24 horas, cun 4,41% de positivos. Esta semana termina con 2.249 diagnósticos novos de coronavirus en Galicia, 543 menos que os 2.792 da semana pasada, e menos da metade que os 4.757 que se rexistraron na peor semana de novembro.