O CORONAVIRUS SEN CONTROL EN GALICIA

Coronavirus Galicia: 607 contaxios novos e soben os casos activos a 6.431

Segundo día consecutivo con máis de 600 contaxios. Os casos activos e hospitalizados en nova normalidade marcan novos máximos. Galicia continúa tendo un alarmante número de casos novos de coronavirus e hoxe por segundo día consecutivo rexistra máis de 600. Os 607 novos contaxios de COVID-19 de hoxe pechan unha pésima semana para a comunidade galega, e son o segundo dato máis alto desde o inicio da pandemia, só superado polos 670 contaxios do día de onte. O número de casos activos segue subindo e marca un novo máximo de 6.431 desde o inicio da crise sanitaria, e os hospitalizados tamén ascenden e baten un día máis o récord en nova normalidade. Na web de datos do Sergas di que nas últimas 24 horas confirmáronse 597 casos de COVID-19 por PCR, pero a diferenza entre o total de infectados desde o inicio da pandemia de hoxe (32.606) e o de onte (31.999) é de 607 persoas. Do mesmo xeito, os novos contaxios que indicamos por área sanitaria calculámolos do mesmo xeito. Nas últimas 24 horas rexistráronse 607 novos casos de SARS- CoV-2 en Galicia, 1 falecemento e 345 altas, o que fai que o número de casos activos aumente en 261 persoas, pasando das 6.170 de onte ás 6.431 de hoxe. Continúa subindo o total de hospitalizados e hoxe son 420, 11 máis que onte. O total de casos en Galicia desde o inicio da crise sanitaria é de 32.606 persoas. Catro áreas por encima dos 1.000 casos Coronavirus A Coruña: Carballo e Vimianzo en alerta vermella, 118 contaxios e 1.122 activos Coronavirus Ferrol: 51 contaxios novos e soben a 445 casos activos Coronavirus Santiago: 103 contaxios novos e soben a 1.089 os casos activos Coronavirus Vigo: O Porriño en alerta vermella, 122 contaxios novos e 1.186 casos activos Coronavirus Pontevedra: 53 contaxios novos e 639 casos activos. A dinámica nas áreas sanitaria segue igual que nos días anteriores: Ourense mellora e baixa en número de casos activos mentres o resto empeora. A área sanitaria ourensá ten 1.299 casos activos (-20), seguida por Vigo con 1.186 (+89), A Coruña con 1.122 (+65), Santiago con 1.089 (+42), Lugo con 651 (+35), Pontevedra con 639 (+17) e Ferrol con 445 (+33). Novos contaxios por áreas sanitarias A Coruña: 118 Ferrol: 51 Lugo: 64 Ourense: 96 Pontevedra: 54 Santiago: 103 Vigo: 122 Total: 607 O total de falecidos en Galicia desde o inicio da pandemia é de 860 persoas, 1 máis nas últimas 24 horas e un total de 241 en nova normalidade. O total de hospitalizados é de 420 persoas, distribuídas en 49 na UCI e 371 en unidades de hospitalización. O total de probas PCR realizadas é de 633.494, 8.490 nas últimas 24 horas, cunha positividade do 7,14%. Esta semana que conclúe hoxe tivo 3.530 novos casos de coronavirus en Galicia, o que a converte non só na peor da nova normalidade, senón na que ten máis contaxios rexistrados desde o inicio da pandemia. Hai que ter en conta, con todo, que en marzo e abril facíanse moitas menos probas PCR e había moitos máis casos sen detectar ou contabilizar.