AUMENTAN OS CASOS DE COVID-19 EN GALICIA E TAMÉN EN PONTEVEDRA-SALNÉS

O número de casos activos de coronavirus na Comunidade galega ha volto a incrementarse, despois do descenso rexistrado durante a fin de semana, ata alcanzar os 262 casos. A maioría destes contaxios concéntranse na área sanitaria de Lugo e están vinculados ao rebrote que afecta á comarca da Mariña, onde as restricións para acoutar a diseminación do virus mantéñense nos municipios máis afectados. O Sergas informou da diminución de casos activos na zona illada con 184 positivos confirmados, un menos que o pasado domingo. A maioría son persoas cunha sintomatoloxía leve e en illamento domiciliario. Confírmase a existencia dun novo caso positivo relacionado con este rebrote, sendo a única proba PCR con resultado positivo de todas as realizadas no día de onte. As dúas novas altas rexistradas nas últimas horas compensan a cifra. Xa son máis de 30 os casos unidos a este rebrote que superaron a enfermidade e foron contabilizados como curados. Moi por detrás están a área sanitaria da Coruña (con 24 casos activos) e a de Santiago (con 16). Pola súa banda, na de Vigo o número de casos reduciuse ata os 11; en Pontevedra ata os 6; e Ourense ata os 4 e Ferrol conta tan só cunha persoa infectada nesta xerencia. En canto ao número de hospitalizados por mor da Covid, a cifra mantense en sete persoas, das que só unha tivo que ser trasladada á unidade de críticos. A estas alturas da pandemia, o número de persoas curadas é de 10.943 e o de falecidos mantense nos 619. O número de PCR realizadas alcanza xa as 218.587.

No área sanitaria de Pontevedra e O Salnés hai un paciente hospitalizado por coronavirus. Tras mes e medio sen infectados nos hospitais pontevedreses, unha persoa foi ingresada en Montecelo tras dar positivo por COVID-19 e necesitar asistencia médica.

Avanzouno o Servizo Galego de Saúde no informe diario no que detalla que este novo positivo eleva a seis os casos activos por coronavirus en Pontevedra.

O primeiro paciente que recibe o Complexo Hospitalario de Pontevedra en 45 días está ingresado en planta, polo que a UCI mantense por agora libre de coronavirus. 

Os outros cincos pacientes con coronavirus que se manteñen como casos activos atópanse nos seus domicilios, onde reciben seguimento dos servizos médicos.

Desde o inicio do plan de continxencia da Covid-19 curáronse 901 pacientes, ningún nas últimas 24 horas, e faleceron por este virus na área sanitaria 16 pacientes.