APOIARÁ O PP A PRÓRROGA DO ESTADO DE ALARMA?

Pedro Sánchez ten cada vez máis difícil alongar dúas semanas máis o estado de alarma. O Goberno ve cada vez máis difícil poder prorrogar unha vez máis o actual estado de alarma e é por iso que empeza a advertir sobre as consecuencias que levaría non facelo. Foi concretamente o ministro de Transportes, Jose Luís Ábalos, que a decisión do Congreso de non apoiar unha vez máis unha prórroga do mesmo podería levar a un «caos sanitario e económico». O ministro insistiu que «ninguén» propón unha alternativa «porque non a hai» . Ábalos mostrouse así de contundente despois que confirmar que Pablo Casado anunciou a Pedro Sánchez, tras unha conversación dunha hora, que «non apoiará a prórroga do estado de alarma». O presidente explicara ao líder a oposición a súa intención de levar á cámara a nova prórroga. Os partidos da coalición de goberno manteñen a teoría xa expresada por Sánchez na comparecencia do sábado: "Non hai plan B". De feito apuntaron que o final do estado de alarma provocaría a volta das competencias ás comunidades autónomas, e iso podería desembocar "nun caos".

Vox, JxCat e a CUP, por exemplo, seguen no non, opción pola que xa optaron na última prórroga. De momento, o PP non deu a coñecer o sentido do seu voto, e o certo é que a posibilidade máis próxima é a da abstención. Nese caso, o visto e prace non perigaría para a coalición. Casado avisou de que se o Goberno xa sostén que se está camiñando cara á "nova normalidade" non parece "lóxico utilizar este instrumento "excepcional", porque "a unilateralidad para ser tan ineficaz e tan incompetente non pode buscar complicidade na oposición".

Casado xa non lle ve utilidade Na mesma rolda de prensa, o ministro de Sanidade, Salvador Illa, insistiu no feito que é «imprescindible» manter o estado de alarma durante toda a fase «complexa» de transición cara á chamada 'nova normalidade'. Só así se podería reaccionar de maneira rápida a un posible rebrote, explicaba. Esta posición non é compartida polo líder dos populares. Nunha entrevista en Onda Cero, Casado afirmaba que «non ten sentido» que o estado de alarma se prolóngue «máis aló de 60 días», xa que, ao seu entender, a desescalada «xa non necesita» este instrumento «excepcional» que limita dereitos e liberdades. Ademais, Casado esixiu ao xefe do Executivo que no Consello de Ministros deste martes desvincule do estado de alarma o pago da prestación dos ERTES e a liquidez a pemes e autónomos porque, ao seu xuízo, é unha «chantaxe» e «inmoral».