AS CERO MORTES DE ONTE NO SE REPETIRÁN HOXE

Se onte daban de alta repentinamente a máis de 3500 persoas porque non estaban a contabilizar aos curados en casa, facendo que o número de enfermos activos baixase a só 3526, hoxe corrixiron o total de casos de contaxiados en Galicia baixándoo a 8697 (onte o dato era 9466 contaxios desde o inicio da epidemia). O Sergas restou 791 casos ao total de contaxios desde o inicio da pandemia.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 3.486, deles 820 son da área da Coruña, 241 da de Lugo, 707 da de Ourense, 214 da de Pontevedra, 848 da área de Vigo, 498 da de Santiago, e 158 da de Ferrol.

Do total de pacientes positivos, 47 permanecen en UCI, 334 están en unidades de hospitalización e 3.105 no domicilio. Polo de agora, en Galicia hai un total de 5.573 persoas curadas, rexistrándose 551 falecementos.

O número de PCR realizadas é de 96.095.

Se onte rematábamos o día sen falecementos  hoxe hai que sinalar o falecemento de catro persoas que foron diagnosticadas por coronavirus, informa o Sergas. Son dúas mulleres de 86 e 90 anos que estaban ingresadas no CHUO; unha muller de 96 anos e un home de 48 anos que tamén estaba ingresado no CHUS. «Todas elas con patoloxías previas», engade. A cifra total de vítimas elévase así ata as 551.