530 PACIENTES CURADOS NA ÁREA PONTEVEDRA-SALNÉS

Datos actualizados este mércores pola Consellería de Sanidade de acordo co novo protocolo establecido polo Ministerio de Sanidade, polo que as altas epidemiolóxicas, inclúen o global de pacientes curados, xa que ata a data só se facilitaba a cifra de altas hospitalarias.

Segundo este novo criterio, desde o inicio do plan de continxencia do COVID-19 curáronse  530 ( 161 ata onte) pacientes nesta área sanitaria, na que faleceron 15 pacientes, 3 da comarca do Salnés. 

As cifras actualizadas indican que hoxe hai na área sanitaria de Pontevedra e O Salnés un total de 215 (576 onte) casos activos. Co anterior criterio onte eran 576 os pacientes.

Este mércores hai 27 pacientes ingresados en hospitais da área sanitaria, o mesmo número que o martes. Deles, 4 ingresados na UCI do Hospital Montecelo  en UCI e 20 están hospitalizados en planta de Montecelo, dúas no Hospital do Salnés e 1 en QuirónSalud Miguel Domínguez. Os mesmos datos de onte nos tres centros.