UN NOVO FALECIDO, E XA SON 20 EN GALICIA

O Sergas informou do falecemento dun home de 69 anos que estaba ingresado no Complexo Hospitalario de Ferrol. Estaba diagnosticado de coronavirus e tiña patoloxías previas. Con este deceso elévase a vinte o número de vidas que se cobrou a pandemia en Galicia.

Polo que respecta a Área Sanitaria Pontevedra-Salnés  este luns sumábanse 28 novos positivos rexistrados nas últimas 24 horas.
Polo que os casos activos ascenden xa a un total de 164, dos que 35 están hospitalizados, 6 deles na UCI. Os restantes permanecen illados nos seus domicilios. 31 pacientes en Montecelo e no Hospital do Salnés hai 4 ingresados. O Sergas estende aos hospitais comarcais os test desde o coche O Servizo Galego de Saúde anunciou este luns a extensión á súa rede de hospitais comarcais do novo sistema de realización de probas de coronavirus sen que os pacientes abandonen os seus vehículos, xa implantado nas sete grandes cidades de Galicia. Deste xeito, a prestación amplíase inicialmente aos centros de Barbanza, Burela, Monforte de Lemos e Valdeorras. No caso de Barbanza, xa está operativo desde este luns cun punto fixo de toma de mostras. Nun comunicado, o departamento informou que desde «o inicio desta medida a pasada semana realizáronse 955 probas a pacientes desde os seus vehículos».