O REI EMÉRITO VISITOU O SALNÉS O VENRES

O rei emérito Juan Carlos I visitou en Vilanova de Arousa as novas instalacións de Adegas GranBazán, en Vilanova de Arousa O monarca estivo acompañado neste acto por diversas personalidades políticas e empresariais da comarca. Durante a súa visita á adega, este venres, interveu o seu presidente Pedro Martínez Hernández, quen ofreceu unha breve explicación da historia e a modernización da mesma e fixo un brinde para agradecer a asistencia do rei Juan Carlos e a do resto de personalidades.

O Rei con autoridades e traballadores de GranBazán

O acto consistiu nun ágape na zona de degustacións e a posterior cea servida no novo salón Vilanova, onde o rei Juan Carlos puido degustar os albariños de GranBazán e o Baigorri B70, o viño máis exclusivo de Adegas Baigorri, tamén propiedade de Pedro Martínez. Adegas GranBazán, fundada en 1981, atópase situada no corazón do Val do Salnés, nunha finca de 14 hectáreas de viñedo, sendo un dos primeiros e máis belos Châteaux de Galicia e elabora os viños GranBazán Etiqueta Verde, Etiqueta Ámbar, Limousin e D. Álvaro de Bazán. As novas instalacións de Adegas GranBazán confórmana diferentes salóns de eventos con capacidade desde 20 a 250 persoas, unha tenda onde se promocionan e degustan os seus viños, licores e conservas, unha Sala de Barricas destinada á elaboración do viño na variedade Limousin, un "Cemiterio" onde repousan as anadas antigas, e unha cava onde se desenvolve o proxecto de espumosos, actuacións que foron desenvoltas co obxectivo de converter a Adegas GranBazán nun referente da enoloxía e o enoturismo das Rías Baixas.