UN ANO DE PREMIOS PARA A D.O. RÍAS BAIXAS

Os viños da D.O. Rías Baixas superaron en 2018 os 290 galardóns nacionais e internacionais, grazas aos 266 premios e os 25 eloxios recibidos nas 29 citas nas que estiveron presentes ao longo do ano. Do conxunto de galardóns, 9 son da categoría de gran ouro, 65 da de ouro, 110 de prata e 82 de bronce. Os viños de Rías Baixas destacados corresponden na súa maioría á anada 2017, con 190; un feito que corrobora a cualificación da devandita anada como ‘Moi Boa’. O resto de premios repartíronse entre as anadas 2016 -con 65 galardóns-, a 2015 -con 20-, a 2014 -con 4-, a 2013 -cun-, a 2012 -con 6-, a 2011 -cun- e a 2009 -con 4-. Os premios corresponden aos máis prestixiosos concursos nacionais e internacionais, como os Bacchus 2018 (8 bacchus de ouro e 16 de prata para Rías Baixas), os Decanter (con 3 gran ouro, 4 ouros, 22 pratas, 51 bronces e 4 eloxios) ou o International Wine Challenge (cun gran ouro, 1 ouro, 17 pratas, 24 bronces e 19 eloxios).